બજાર / રિલાયન્સ લાવશે 53000 કરોડના રાઈટ્સ ઈશ્યૂ, જાણો તમે કેવી રીતે ઉઠાવી શકો ફાયદો

• રાઇટ ઇશ્યૂ 1257 રૂપિયા પ્રતિ શૅરની કિંમત પર લાવવામાં આવશે
• રાઇટ્સ ઇશ્યૂ લાવવાની મદદથી કંપનીનું દેવું ઓછુ કરવામાં આવશે
   

રિલાયન્સ ઇન્ડસ્ટ્રીઝ તરફથી આવેલા નિવદેન અનુસાર, કંપનીના બોર્ડે રાઇટ્સ ઇશ્યૂની મંજૂરી આપી દીધી છે. રાઇટ્સ ઇશ્યૂની મદદથી કંપની પોતાના શૅર હોલ્ડર્સ પાસેથી 53000 કરોડ રૂપિયાથી વધારે રકમ ભેગી કરી શકે છે. પરંતુ સવાલ એમ છે કે, રાઇટ્સ ઇશ્યૂ શું છે અને આ નફાની ડીલ છે કે નહી તે વિશે જાણીએ.. 

કંપની કેમ લાવે છે રાઇટ્સ ઇશ્યૂ

વાસ્તવમાં સ્ટોક એક્ચેન્જમાં લિસ્ટેડ કંપનીઓને જ્યારે રૂપિયાની જરૂર પડે છે ત્યારે રાઇટ્સ ઇશ્યૂની પસંદગી કરે છે. સામાન્ય રીતે કંપનીના વેપારનો વિસ્તાર અથવા તો બીજી કંપની અધિગ્રહણ માટે રૂપિયા ભેગા કરે છે. કેટલીક કંપનીઓ ખોટ ઓછું કરવા માટે રાઇટ્સ ઇશ્યૂની પસંદગી કરે છે. રિલાયન્સ ઇન્ડસ્ટ્રીઝ પણ દેવાને ધ્યાનમાં રાખીને નિર્ણય કર્યો છે. તમને જણાવી દઇએ કે રિલાયન્સ ઇન્ડસ્ટ્રીઝ 29 વર્ષ પછી સાર્વજનિક રૂપથી ફંડ ભેગું કરશે. વિત્ત વર્ષ 2021માં પહેલી ત્રિમાસિકમાં કંપનીની 1.04 લાખ કરોડ રૂપિયા ભેગા કરવાની યોજના છે. 

રાઇટ્સ ઇશ્યૂ શું છે

રાઇટ્સ ઇશ્યૂની મદદથી કંપની પોતાના શેરધારકોને વધારે શૅર ખરીદવા માટે મૌકો આપે છે. આ માટે કંપની સમય નક્કી કરે છે અને આ સમયમાં શૅર ખરીદી શકાશે. એટલે કે જો તમારી પાસે રિલાયન્સ ઇન્ડસ્ટ્રીઝના શૅર છે તો તમે રાઇટ્સ ઇશ્યૂની મદદથઈ શૅર ખરીદી શકશો. રિલાયન્સ ઇન્ડસ્ટ્રીઝના રાઇટ ઇશ્યૂ 1257 રૂપિયા પ્રતિ શૅરનો ભાવ લાવશે.

જોકે રાઇટ ઇશ્યૂ હેઠળ 15 શૅર સુધી એક રાઇટ શૅર જારી કરવામાં આવશે. સરળ ભાષામાં કહીએ તો તમારી પાસે રિલાયન્સ ઇન્ડસ્ટ્રીઝના 15 શૅર છે ત્યારે જ તમે શૅર ખરીદી શકો છો. જો તમારી પાસે રિલાયન્સ ઇન્ડસ્ટ્રીઝના 15 થી ઓછા શૅર છે તો આ લાભ નહી લઇ શકાય. 

નફા કે ખોટની ડીલ

આમ જોવા જઇએ તો આ સસ્તી ડીલ છે. કેમકે બીએસઇ ઇન્ડેક્સમાં પણ રિલાયન્સના શૅરની કિંમત 1467 રૂપિયાનો ભાવ છે. આ રાઇટ ઇશ્યૂ હેઠળ શૅર ખરીદવા પર 1257 રૂપિયા ચૂકવવા પડશે. એટલે કે જે ભાવ પર રાઇટ ઇશ્યૂ આપવામાં આવશે તો બજાર ભાવમાં લગભગ 15 % ઓછુ છે. જો રૂપિયાનું હિસાબ કરવામાં આવે તો 210 રૂપિયાનું અંતર છે જે લાભદાયી કહી શકાય.