મોટો નિર્ણય / હવે 2 મોટી કંપનીઓની હિસ્સેદારી વેચવાની તૈયારીમા મોદી સરકાર, લોકો પર પડશે આ મોટી અસર

• કેન્દ્ર સરકારે ખાતરની બે મોટી કંપનીઓ વેચવાની તૈયારી કરી
• બે કંપનીઓ RCF અને NFL ના શેર્સ વેચાશે
• સરકારને મળશે 1200 કરોડની રકમ 
• ચાલુ મહિનાના હિસ્સેદારી વેચાઈ જશે 

નામ ન આપવાની શરતે એક સરકારી અધિકારીએ જણાવ્યું કે કેન્દ્ર સરકાર ચાલુ વર્ષના ડિસેમ્બરના અંત સુધીમાં ખાતરની બે કંપનીઓ RCF અને NFL ના શેર્સના વેચાણ દ્વારા બજારમાંથી 1200 કરોડ રુપિયા મેળવશે. 

ખાતરની બે મોટી કંપનીઓની હિસ્સેદારી વેચશે સરકાર 

સરકાર ઓફર ફોર સેલ દ્વારા રાષ્ટ્રીય કેમિકલ્સ એન્ડ ફર્ટિલાઈઝર્સ લિમિટેડમાં 10 ટકા અને નેશનલ ફર્ટિલાઈઝર્સ લિમિટેડમાં 20 ટકા હિસ્સેદારી વેચી દેશે. અધિકારીએ જણાવ્યું કે આ શેરના વેચાણ દ્વારા સરકારને 1200 કરોડ મળી શકે છે. 

આ શેર્સના વેચાણ માટે મરચન્ટ બેન્કરોની નિયુક્તી તો પહેલેથી જ થઈ ગઈ છે. અધિકારીએ જણાવ્યું કે સરકારે ખાનગી ક્ષેત્ર માટે જે પગલાં ભર્યાં છે તેનાથી આગામી મહિનામાં શેર્સનું મુલ્યાંકન સારી રીતે થઈ શકે છે.હાલમાં  NFL માં 74.71 ટકા અને RCF માં 75 ટકા હિસ્સેદારી સરકારની છે. ગત  નાણાકીય વર્ષમાં સરકારે વિનિવેશ દ્વારા 38,000 કરોડ એકત્ર કર્યાં હતા. 

ખાતરની બે મોટી કંપનીઓ ખાનગી હાથમાં જવાના કિસ્સામાં ખાતરના ભાવમાં વધી શકે છે

ખાતરની બે મોટી કંપનીઓ ખાનગી હાથમાં જવાના કિસ્સામાં ખાતરના ભાવમાં વધી શકે છે જેનો સૌથી મોટો ગેરલાભ ખેડૂતોને થશે. કંપનીઓ ખાતરના ભાવમાં મનફાવે તેટલી વધઘટ કરી શકે છે.