મનોરંજન / હવે રામ નહીં, રામના પિતાથી ઓળખાશે આ TV ફેમસ એક્ટર, કરશે દશરથનો રોલ

• બોલિવૂડમાં દરેક જગ્યાએ રામાયણ ફિલ્મની ચર્ચા થઈ રહી છે.
• ફિલ્મમાં રાજા દશરથના રોલમાં અમિતાભ બચ્ચન જોવા મળશે? 
• જૂની રામાયણના રામ નવી રામાયણમાં રામના પિતા બનશે?

આ દિવસોમાં બોલિવૂડમાં દરેક જગ્યાએ રામાયણ ફિલ્મની ચર્ચા થઈ રહી છે. દંગલ ફેમ ડિરેક્ટર નીતીશ તિવારી આ ફિલ્મનું નિર્દેશન કરી રહ્યા છે. આ ફિલ્મના કાસ્ટિંગના સમાચાર દરરોજ આવી રહ્યા છે. થોડા દિવસો પહેલા સમાચાર આવ્યા હતા કે આ ફિલ્મમાં રાજા દશરથના રોલમાં અમિતાભ બચ્ચન જોવા મળશે. 

જો કે હવે એવા અહેવાલો છે કે અમિતાભ બચ્ચનની જગ્યાએ અરુણ ગોવિલ દશરથનું પાત્ર ભજવશે. નિતેશ તિવારીની 'રામાયણ' ફિલ્મ માટે ભગવાન રામનો રોલ નિભાવનાર અરુણ ગોવિલનો સંપર્ક કરવામાં આવ્યો છે. અહેવાલ અનુસાર મેકર્સ રામાનંદ સાગરની રામાયણથી દર્શકો સાથે જોડાણ બનાવવા માંગે છે એટલા માટે અરુણ ગોવિલ આ ફિલ્મમાં દશરથનું પાત્ર ભજવી શકે છે. જોકે, અત્યાર સુધી ન તો મેકર્સ કે અરુણ ગોવિલે ફિલ્મના કાસ્ટિંગની પુષ્ટિ કરી છે.

જો નીતીશની રામાયણમાં અરુણની એન્ટ્રી થશે તો આ ફિલ્મને ઘણો ફાયદો થશે કારણ કે દર્શકોમાં અરુણ ગોવિલની ઈમેજ આજે પણ રામની જ છે અને દર્શકો તેમને રામ સમાન માને છે. આ સમાચાર સાથે, ફિલ્મને લઈને લોકોની ઉત્સુકતા વધુ વધી ગઈ છે, કારણ કે દરેકને એ જોવાનું ગમશે કે જૂની રામાયણના રામ નવી રામાયણમાં રામના પિતા દશરથની ભૂમિકા કેવી રીતે નિભાવશે.

વધુ વાંચો: પૂનમ પાંડે ફરી મુશ્કેલીમાં: 100 કરોડનો માનહાનિ કેસ દાખલ, મોતના ખોટા ખેલમાં પતિ પણ ફસાયો

નોંધનીય છે કે ફિલ્મમાં રણબીર કપૂર રામના રોલમાં જોવ મળશે જ્યારે સીતાના રોલમાં સાઉથની અભિનેત્રી સાઈ પલ્લવીને કાસ્ટ કરવામાં આવી છે. રિપોર્ટ અનુસાર લારા દત્તા કૈકેયીના રોલમાં જોવા મળશે અને સની દેઓલ હનુમાનના રોલમાં જોવા મળશે. કહેવાય રહ્યું છે કે આ ફિલ્મ મેગા બજેટમાં તૈયાર થશે.