કોરોના સંકટ / રાજકોટમાં કોરોનાથી વધતા મૃતાંકના વિવાદની વચ્ચે જ્યંતી રવિએ કરી બેઠક, ઘડાયો આ ઍક્શન પ્લાન

• રાજકોટમાં ACS જ્યંતી રવિની સતત 5માં દિવસે બેઠક 
• આજથી જિલ્લાના 600 ગામોમાં થશે ઘરે ઘરે ચકાસણી
• 1200 કર્મચારીઓની ટીમ ઉતારવામાં આવી 

હાલ રાજ્યમાં રાજકોટ જિલ્લામાં કોરોનાના વધતા કેસ તેમજ મૃત્યુના આંકડા છુપાવાનો મુદ્દાએ જોર પક્ડયું છે. ત્યારે રાજ્યના આરોગ્ય સચિવ જયંતિ રવિ હાલ જિલ્લાની મુલાકાતે છે. ત્યારે પાંચમા દિવસે કોરોનાનું વધતુ સંક્રમણ અટકાવવાને લઇને બેઠક યોજી હતી. 

જેમાં જિલ્લાના 600 ગામોમાં ઘરે-ઘરે ચકાસણી કરવાને લઇને નિર્ણય લેવામાં આવ્યો છે. આગામ સમયમાં તમામ ગામડાઓમાં ચકાસણી હાથ ધરવામાં આવશે. આ માટે તંત્ર દ્વારા 1200 કર્મચારીઓની ટીમ ઉતારવામાં આવી છે. આમ આરોગ્ય સચિવના રોકાણ બાદ તંત્ર એલર્ટ જોવા મળ્યું છે. 

રાજકોટમાં કોરોના વાયરસનો કહેર સતત વધી રહ્યો છે. આ સાથે જ કોરોના દર્દીઓના મૃત્યુમાં પણ વધારો થઇ રહ્યો છે. જોકે તંત્ર દ્વારા મૃત્યુના આંકડા છૂપાવવા પ્રસાય થઇ રહ્યો છે.

સિવિલ હોસ્પિટલમાં કચરા અને ભંગારની લોબીમાં મૃતદેહોને હારબંધ ખડકી દેવામાં આવ્યા હતા. આ સાથે મૃતદેહો પર થેલા અને કોથળીઓ પણ મુકી દેવાઇ હતી. સ્મશાનમાં અંતિમ સંસ્કાર માટે વેઇટિંગ ચાલી રહ્યું છે.

અંતિમ સંસ્કાર માટે 24 કલાકથી પણ વધારેનું વેઇટિંગ ચાલી રહ્યું છે. કોરોના પ્રોટોકોલથી જુલાઇમાં 101 અંતિમ સંસ્કાર થયા જ્યારે ઓગસ્ટમાં 334ના અંતિમ સંસ્કાર કરવામાં આવ્યા હતા. જ્યારે ગઇકાલે એક જ દિવસમાં 18ના અંતિમ સંસ્કાર કરવામાં આવ્યા છે.