PHOTOS / ભારત જોડો યાત્રા: રાહુલ ગાંધી જેનો હાથ પકડીને યાત્રામાં ચાલી રહ્યા છે તે આ મહિલા કોણ છે ?

• ભારત જોડો યાત્રાને લોકોને સારુ એવું સમર્થન મળ્યું
• રાહુલ ગાંધી દરેક વર્ગના લોકો સાથે સંપર્ક બનાવી રહ્યા છે
• આ દરમિયાન એક મહિલાને હાથ પકડી રાહુલ ગાંધી ચાલી રહ્યા હતા

રાહુલ ગાંધીની ભારત જોડો યાત્રા ચાલી રહી છે. કન્યાકુમારીથી શરુ થયેલી આ યાત્રામાં રાહુલ ગાંધી દરેક વર્ગના લોકો સાથે કનેક્ટ થવાની કોશિશ કરી રહ્યા છે. તેમની આ યાત્રા દરમિયાન અસંખ્ય તસ્વીરો સામે આવી રહી છે. આ તસ્વીરોમાં તે બાળકો સાથે સેલ્ફી પણ લેતા દેખાઈ રહ્યા છે. 

ઘણી વાર યાત્રા દરમિયાન રોડના કિનારે બેસીને થાક ઉતારી રહ્યા છે. રાહુલ ગાંધીનું આ રુપ લોકોને પસંદ આવી રહ્યું છે. રાહુલ ગાંધીની એક તસ્વીર હાલમાં ખૂબ ચર્ચાનો વિષય બની છે. એક તસ્વીરમાં રાહુલ ગાંધી સાથે એક મહિલા હાથ પકડીને ચાલી રહી છે. 

રાહુલ ગાંધીની પદયાત્રા સાત સપ્ટેમ્બરે શરુ થઈ હતી. આખી ટીમ સાથે રાહુલ ગાંધી આગળ વધી રહ્યા છે. આ યાત્રાથી ક્યાંકને ક્યાંક લોકોની વચ્ચે કોંગ્રેસની છબીની પણ બદલાતી દેખાઈ રહી છે. એક નવી આશા કોંગ્રેસમાં જોવા મળી રહી છે. જે મહિલાનો હાથ રાહુલ ગાંધીએ પકડ્યો છે, તે મહિલા સશક્તિકરણનું સૌથી મોટુ ઉદાહરણ છે.

લાલ સાડીવાળી આ મહિલા આખરે કોણ છે ? સૌ કોઈના મગજમાં આ સવાલ ઊભો થઈ રહ્યો છે. આપને જણાવી દઈએ કે, આ અન્ય કોઈ નહીં પણ એશિયાની પ્રથમ મહિલા બસ ડ્રાઈવર છે. જેને ઘણા બધા એવોર્ડ પણ મળી ચુક્યા છે. તેમનું નામ છે. એમ. વસંતકુમારી .

રાહુલ ગાંધી પોતાની યાત્રા દરમિયાન લોકો સાથે સંપર્ક બનાવી રહ્યા છે. દરેક વર્ગના લોકો સાથે તેઓ મુલાકાત કરી રહ્યા છે.