રાહુલ રાહત / VIDEO : 'આખું હિંદુસ્તાન મારું ઘર છે', જુનો સરકારી બંગલો પાછો મળતાં બોલ્યાં રાહુલ ગાંધી

• રાહુલ ગાંધી હવે ફરી તેમના જુના બંગલામાં રહેવા જશે
• 12 તુઘલક રોડ પરનો જુનો બંગલો પાછો અપાયો
• લોકસભા હાઉસ કમિટીએ લીધો નિર્ણય 

મોદી સરનેમ કેસમાં સુપ્રીમની સજા સ્ટે બાદ કોંગ્રેસ નેતા રાહુલ ગાંધીને એક પછી એક રાહત મળવા લાગી છે. પહેલા તેમને લોકસભાનું સભ્યપદ પાછું આપવામાં આવ્યું અને હવે તેમને ફરી તેમનો જુનો બંગલો પાછો અપાયો છે. લોકસભા હાઉસ કમિટીએ રાહુલ ગાંધીને 12 તુઘલક રોડ પરનો જુનો બંગલો રાહુલ ગાંધીને પાછો આવ્યો છે. સંસદમાંથી ગેરલાયક ઠર્યા બાદ રાહુલ ગાંધીને આ બંગલો ખાલી કરવાની નોટીસ આપવામાં આવી હતી જે પછી રાહુલ બંગલો ખાલી કરીને માતા સોનિયા ગાંધીના મકાનમાં ચાલ્યાં ગયા હતા. 

PHOTO | Congress leader @RahulGandhi has been re-allotted the 12, Tughlaq Lane bungalow, a day after his Lok Sabha membership was restored as per the directive of the Supreme Court. pic.twitter.com/m1rT3Jnj90

— Press Trust of India (@PTI_News) August 8, 2023

આખું હિંદુસ્તાન મારું ઘર છે-રાહુલ ગાંધી
સરકારી બંગલો પાછો મળવા પર રાહુલ ગાંધીએ કહ્યું કે આખું હિંદુસ્તાન તેમનું ઘર છે. ઉલ્લેખનીય છે કે રાહુલ ગાંધીને ફરી વાર 12 તુઘલક લેન પરનો જે બંગલો ફાળવાયો છે તેમાં તેઓ છેલ્લા 19 વર્ષથી રહેતા હતા. 

VIDEO | "Mera ghar poora Hindustan hai (Whole India is my home), " says @RahulGandhi as he gets back 12 Tughlaq Lane residence in Delhi, a day after he was reinstated as member of Lok Sabha. pic.twitter.com/NQoo9wkh36

— Press Trust of India (@PTI_News) August 8, 2023

અત્યાર સુધી સોનિયા ગાંધી સાથે રહેતા હતા
રાહુલ ગાંધી સંસદમાંથી ગેરલાયક ઠર્યાં બાદ બંગલો ખાલી કરીને સોનિયા ગાંધી સાથે રહેવા આવી ગયા હતા. પરંતુ હવે તેઓ તેમના જુના બંગલામાં શિફ્ટ થઈ જશે. સુપ્રીમ કોર્ટે શુક્રવારે મોદીની સરનેમ સાથે જોડાયેલા માનહાનિના કેસમાં તેમની સજા પર રોક લગાવી દીધી હતી. આ પછી, કોંગ્રેસના પૂર્વ અધ્યક્ષ રાહુલ ગાંધીની લોકસભા સદસ્યતા પુન:સ્થાપિત કરવામાં આવી હતી. 

મોદી સરનેમ કેસમાં રાહુલને મળી બે-ત્રણ રાહત 
રાહુલ ગાંધીને મોદી સરનેમ કેસમાં ગુજરાતની કોર્ટે બે વર્ષની જેલની સજા ફટકારી હતી. આ પછી, કેન્દ્ર સરકારે તેમનું લોકસભા સભ્યપદ રદ કર્યું હતું. પછી તેનો સત્તાવાર બંગલો પાછો લઈ લેવામાં આવ્યો. આ પછી રાહુલ ગાંધી હાઇકોર્ટ પહોંચ્યા હતા પરંતુ તેમને રાહત મળી ન હતી. આખરે સુપ્રીમ કોર્ટે રાહુલ ગાંધીને રાહત આપી હતી.