ખેલ / ઓસ્ટ્રેલિયન ઓપન : 21 વખત ગ્રાન્ડ સ્લેમ જીતીને ઈતિહાસ રચ્યો રાફેલ નડાલે, ફાઈનલમાં મેદવેદેવની હાર

• ઓસ્ટ્રેલિયા ઓપનની ફાઈનલમાં  રાફેલ નડાલની જીત 
• રાફેલ નડાલ 21 ગ્રાન્ડ સ્લેમ જીતનારો પહેલો ખેલાડી બન્યો
• 35 વર્ષીય સ્પેનિશ ટેનિસ ખેલાડીએ રશિયન સ્ટાર ડેનિલ મેદવેદેવને હાર આપી 

35 વર્ષીય સ્પેનિશ ટેનિસ ખેલાડીએ  ઓસ્ટ્રેલિયા ઓપનની ફાઈનલમાં   રશિયન સ્ટાર ડેનિલ મેદવેદેવને હાર આપીને 21મો ગ્રાન્ડ સ્લેમ ખિતાબ જીતી લીધો છે. રાફેલ નડાલ 21 ગ્રાન્ડ સ્લેમ જીતનારો પહેલો ખેલાડી બની ગયો છે. 35 વર્ષીય સ્પેનિશ ટેનિસ ખેલાડીએ ઓસ્ટ્રેલિયા ઓપનની ફાઈનલમાં 25 વર્ષના રશિયન સ્ટાર ડેનિલ મેદવેદેવને પાંચ સેટની મેચમાં 2-6, 6-7, 6-4, 6-4, 6-4થી હરાવી ઈતિહાસ રચ્યો છે. આ નડાલની કારકિર્દીનો બીજો ઓસ્ટ્રેલિયા ઓપન અને ઓવરઓલ 21મો ગ્રાન્ડ સ્લેમ ખિતાબ છે.

Rafael Nadal becomes the first men's player to win 21 Grand Slams, defeats Daniil Medvedev 2-6, 6-7, 6-4, 6-4, 7-5 in the final to win his second #AustralianOpen title

(File photo) pic.twitter.com/YkVVTB92l0

— ANI (@ANI) January 30, 2022

પહેલા સેટમાં મેદવેદેવનો દબદબો
ફાઈનલ મેચમાં રશિયન ખેલાડી મેદવેદેવે પહેલા સેટથી જ શાનદાર રમત દાખવી હતી. તેણે નડાલને આમાં 6-2ના માર્જિનથી હરાવી ફાઈનલમાં શાનદાર લય જાળવી રાખી છે.

બીજા સેટમાં મેદવેદેવની સંઘર્ષપૂર્ણ જીત
પહેલો સેટ સરળતાથી જીત્યા પછી મેદવેદેવે બીજો સેટ જીતવા માટે ઘણી મહેનત કરી હતી. આ સેટમાં નડાલે શાનદાર બાઉન્સ બેક કરી રમત દાખવી હતી. પરંતુ અંતિમ સમયમાં 6-6ની બરાબરી પરના સ્કોરને મેદવેદેવે બ્રેક કરી 7.7-6.5થી બીજો સેટ પણ જીતી લીધો છે.

ત્રીજો સેટમાં નડાલનું શાનદાર કમબેક 
પહેલા બે સેટ ગુમાવ્યા પછી નડાલે ત્રીજા સેટમાં શાનદાર બાઉન્સ બેક કર્યું હતું. તેણે મેદવેદેવને 6-4ના માર્જિનથી હરાવી હરાવી ત્રીજોસેટ જીતી સીધો હતો.

Another chapter is written 🏆@RafaelNadal defeats Daniil Medvedev 2-6 6-7(5) 6-4 6-4 7-5 to win his second #AusOpen title in an epic lasting five hours and 24 minutes.
⁰
🎥: @wwos • @espn • @eurosport • @wowowtennis #AO2022 pic.twitter.com/OlMvhlGe6r

— #AusOpen (@AustralianOpen) January 30, 2022

ચોથો સેટ 6-4ના માર્જિનથી જીતી લીધો 
ત્રીજા સેટમાં શાનદાર કમબેક કર્યા પછી રાફેલ નડાલે ચોથા સેટમાં પોતાની શાનદાર લય જાળવી રાખી હતી. તેણે ચોથો સેટ પણ 6-4ના માર્જિનથી જીતી લીધો હતો. જોકે, પહેલા 2 સેટ ગુમાવ્યા પછી, નડાલને તેની ગતિ અને શાનદાર લય મળી ગઈ હતી અને તે મેદવેદેવને હંફાવતો જોવા મળ્યો હતો.

The Grand Slam King 👑#AusOpen • #AO2022 pic.twitter.com/MsrkpTXzee

— #AusOpen (@AustralianOpen) January 30, 2022

પાંચમા સેટમાં ઉગ્ર સ્પર્ધા
પાંચમા સેટમાં નડાલે 3-2થી સરસાઈ મેળવી લીધી હતી, પણ છઠ્ઠી ગેમમાં મેડ્વેડેવને પુનરાગમન કરવાની તક મળી હતી. જોકે નડાલ મક્કમ રહ્યો હતો અને તેણે 4 બ્રેક પોઈન્ટ બચાવતાં 4-2થી સરસાઈ મેળવી લીધી હતી. અહીંથી, બંને ખેલાડીઓ લાંબી રમતો રમ્યા અને એક રમત પૂરી કરવામાં ઘણો સમય લાગ્યો. ખાસ કરીને મેડ્વેડેવે નડાલની સર્વિસ પર જીતની તકો સર્જી હતી, પણ સ્પેનિશ લેજન્ડે હજુ પણ તેના અનુભવને આધારે તે જીતી લીધી હતી.

મેચમાં વળાંક ત્યારે આવ્યો જ્યારે 5-4થી આગળ ચાલી રહેલો નડાલ 10મી ગેમમાં ચેમ્પિયનશિપ માટે સર્વિસ કરી રહ્યો હતો. તે 30-0થી આગળ હતો, પરંતુ મેદવેદેવે ગેમ જીતીને મેચને 5-5થી બરોબરી પર લાવી દીધી હતી. મેડ્વેડેવ પાસે આગામી ગેમમાં સર્વિસ પર આગળ વધવાની તક હતી, પરંતુ આ વખતે નડાલે પોતાનો રસ્તો બદલીને બીજી વખત ચેમ્પિયનશિપ માટે સર્વિસ કરવા માટે 6-5ની લીડ મેળવી લીધી હતી. આખરે 12મી ગેમમાં નડાલે ટાઈટલ અને ઈતિહાસ જીતી લીધો.