તમારા કામનું / Property Rights: પતિના મૃત્યુ બાદ સંપત્તિ પર પત્નીનો કેટલો અધિકાર? જાણો આખરે શું કહે છે નિયમ

• મહિલાઓને સંવિધાનમાં અનેક અધિકાર આપવામાં આવ્યા છે
• સંપત્તિમાં મહિલાઓને શું અધિકાર આપવામાં આવ્યા છે?
• પતિના મૃત્યુ પછી તેની સંપત્તિમાં પત્નીનો અધિકાર કેટલો હોય છે?

મહિલાઓને સશક્ત બનાવવા માટે સંવિધાનમાં અનેક અધિકાર આપવામાં આવ્યા છે. એક ઘરમાં મહિલાઓની ખૂબ જ મહત્ત્વપૂર્ણ ભૂમિકા રહેલી છે. ઘર બનાવવામાં મહિલાઓનું ખાસ યોગદાન હોય છે. સંપત્તિમાં મહિલાઓને શું અધિકાર આપવામાં આવ્યા છે, તે બાબતે ખૂબ જ મૂંઝવણ રહે છે. તે બાબતે તમને જાણકારી હોવી જોઈએ કે, હિંદુ ઉત્તરાધિકાર અધિનિયમ 2005માં સંશોધન કરીને પુત્રીઓને પિતાની સંપત્તિમાં સમાન હક આપવામાં આવ્યો છે. પિતાની સંપત્તિમાં પુત્ર અને દીકરીને સમાન અધિકાર આપવામાં આવ્યો છે. શું તમને ખબર છે કે, પતિના મૃત્યુ પછી તેની સંપત્તિમાં પત્નીનો અધિકાર કેટલો હોય છે? તે અંગે અહીંયા વિગતવાર જાણકારી આપવામાં આવી છે. 

• હિંદુ ઉત્તરાધિકાર અધિનિયમમાં સ્પષ્ટરૂપે ઉલ્લેખ કરવામાં આવ્યો છે કે, સાસરી પક્ષની સંપત્તિમાં વહુઓને ખૂબ જ ઓછા અધિકાર આપવામાં આવ્યો છે. સાસુ અને સસરાની સંપત્તિમાં વહુઓને ખૂબ જ ઓછા હક આપવામાં આવે છે. 
• હિંદુ ઉત્તરાધિકાર અધિનિયમ હેઠળ સાસુ અને સસરાની સંપત્તિમાં વહુનો અધિકાર હોતો નથી. સાસુ અને સસરાનું મૃત્યુ થાય તો તેમની સંપત્તિ પર પતિનો અધિકાર હોય છે. 
• પતિ અને ત્યાર પછી સાસુ અને સસરાનું મૃત્યુ થાય તો તે પરિસ્થિતિમાં સંપત્તિ પર વહુઓને અધિકાર આપવામાં આવે છે. તે માટે સાસુ અને સસરાએ તેમની વસિયત અન્ય કોઈનું નામ ના લખ્યું હોય તે ખાસ જરૂરી છે. 
• હિંદુ વિધવા ભરણ પોષણ મામલે છત્તીસગઢ હાઈકોર્ટે એક મામલાની સુનાવણી કરતા સમયે મહત્ત્વપૂર્ણ નિર્ણય કર્યો હતો. આ નિર્ણય આપતા સમયે કોર્ટે કહ્યું હતું કે, જો હિંદુ વિધવા પોતાની આવક અથવા સંપત્તિથી જીવન પસાર કરી શકવા માટે સક્ષમ નથી, તો તે સાસુ અને સસરા પાસે ભરણ પોષણનો દાવો કરી શકે છે. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતીને અમલમાં મૂકતા પહેલા તેના વિશે વધુમાં માહિતી મેળવવી તેમજ સંબંધિત નિષ્ણાંતની સલાહ લેવી જરૂરી છે.