તમારા કામનું / દીકરાની સંપત્તિ પર વધારે હક્ક કોનો? પત્નીનો કે માતાનો? જાણો શું કહે છે કાયદો

• વ્યક્તિના મૃત્યુ પછી સંપત્તિ બાબતે અનેક વિવાદ થાય છે.
• માઁનો અધિકાર હોય છે કે પત્નીનો અધિકાર હોય છે?
• મૃત પુત્રની સંપત્તિમાં પણ માઁને હક્ક મળશે. 

 વ્યક્તિ જીવિત હોય ત્યારે સંપત્તિની વહેંચણી થઈ જાય તો મુશ્કેલી નથી. વ્યક્તિના મૃત્યુ પછી અનેક વિવાદ થાય છે. પિતાની સંપત્તિ બાબતે વિવાદ થાય છે. અહીંયા અમે તમને જાણકારી આપી રહ્યા છીએ કે, પુત્રની સંપત્તિ પર માઁનો અધિકાર હોય છે કે પત્નીનો અધિકાર હોય છે? હિન્દુ ઉત્તરાધિકાર અધિનિયમ, 1956માં પુત્રની સંપત્તિ પરના અધિકાર બાબતે જણાવવામાં આવ્યું છે. પુત્ર પરિણીત અથવા અપરિણીત હોય  તો તે પ્રકારે સંપત્તિની વહેંચણી કરવામાં આવે છે. 

ભારતનો કાયદો
અનેક કેસ સામે આવ્યા છે, જેમાં મૃત પુત્રની સંપત્તિમાં માઁ ને હક્ક આપવામાં આવતો નથી. આ પ્રકારે કરવું બિલકુલ પણ અયોગ્ય છે. આ કાયદા વિશે માઁને જાણકારી હોતી નથી અને તે વૃદ્ધાશ્રમમાં રહેવા લાગે છે. ભારતીય કાયદાની મદદથી માઁ પોતાના અધિકાર માટે લડાઈ લડી શકે છે, જેનાથી મૃત પુત્રની સંપત્તિમાં પણ માઁને હક્ક મળશે. 

મૃત પુત્રની સંપત્તિમાં માઁનો અધિકાર
જેટલો હક્ક બાળકો અને પત્નીને મળે છે, તેટલો હક્ક માઁને પણ મળે છે. પતિની સંપત્તિની વહેંચણી થાય તો તેની પત્નીને પણ બાળકો જેટલો જ તે સંપત્તિમાં અધિકાર મળે છે. હિન્દુ ઉત્તરાધિકાર અધિનિયમની ધારા 8 હેઠળ બાળકોની સંપત્તિ પર માતા-પિતાના અધિકાર વિશે જણાવવામાં આવ્યું છે. બાળકોની સંપત્તિમાં માઁને પહેલો વારસો આપવામાં આવે છે. ત્યારપછી બીજા વારસદાર પિતા હોય છે. જો કોઈ મૃત વ્યક્તિની માઁ પત્ની અને બાળક જીવિત હોય તો, તે સંપત્તિ માઁ, પત્ની અને બાળકો વચ્ચે સમાનરૂપે વહેંચવામાં આવે છે. 

પરિણીત અને અપરિણીત હોવાની પરિસ્થિતિમાં
હિન્દુ ઉત્તરાધિકાર અધિનિયમ અનુસાર પુરુણ અપરિણીત હોય તો તેની સંપત્તિમાં પહેલો વારસો તેની માઁ અને બીજો વારસો તેના પિતાને હસ્તાંતરિત કરી દેવામાં આવશે. માઁ જીવિત ના હોય તો સંપત્તિ પિતા અને તેના સહ-વારસાઓને આપવામાં આવશે. મૃતક હિંદુ વિવાહિત પુરુષ હોય અને વારસાનામું ના કર્યું હોય તો તેની પત્નીને હિન્દુ ઉત્તરાધિકાર અધિનિયમ 1956 અનુસાર સંપત્તિનો અધિકાર આપવામાં આવશે. આ પ્રકારના મામલાઓમાં પત્નીને પહેલી શ્રેણીનો વારસ માનવામાં આવશે.