દિલ્હી / યુપીના લખીમપુર કાંડ પર પ્રધાનમંત્રી મોદીનું પહેલી વાર નિવેદન, સ્પેશિયલ ઈન્ટરવ્યૂમાં જુઓ શું કહ્યું

• પ્રધાનમંત્રી મોદીએ લખીમપુર ખીરી કાંડ પર આપ્યું નિવેદન
• ન્યૂઝ એજન્સી ANIના ઈન્ટરવ્યુમાં કહ્યું
• યુપી સરકાર પારદર્શિતાથી કામ કરી રહી છે
• લખીમપુર પર સુપ્રીમે જે પણ કમિટી રચી તેને યુપી સરકારે મંજૂરી આપી

ન્યૂઝ એજન્સી ANI સાથેના સ્પેશિયલ ઈન્ટરવ્યૂમાં પ્રધાનમંત્રી મોદીએ યુપીના લખીમપુર ખીરીના બદનામ કાંડ પર પહેલી વાર નિવેદન આપ્યું છે. પીએમ મોદીએ કહ્યું કે યુપીની યોગી સરકાર પારદર્શિતાના ધોરણે કામ કરી રહી છે. ઉલ્લેખનીય છે કે યુપીના લખીમપુર ખીરીમાં શાંતિપૂર્ણ પ્રદર્શન કરી રહેલા ખેડૂતો પર કેન્દ્રીય મંત્રી અજય  મિશ્રા ટેનીના પુત્ર  આશિષ મિશ્રાએ ગાડી ચડાવી દીધી હોવાના આરોપ લાગ્યા હતા. યુપીમાં આવતીકાલના પહેલા તબક્કાના વોટિંગ પહેલા ખાસ ઈન્ટરવ્યુમાં મોદીએ કહ્યું કે સુપ્રીમ કોર્ટે જે પણ કમિટીની રચના કરવાની, જે પણ જજની માગ કરી હતી તેને યુપી સરકારે મંજૂરી આપી હતી.

State Govt gave its consent for whatever committee Supreme Court wanted to form, for whichever judge SC wanted for probe. State govt is working transparently: PM Modi to ANI on Lakhimpur Kheri incident, MoS Home Ajay Mishra Teni & Oppn alleging 'whitewash' of whoever comes to BJP pic.twitter.com/O9QpGcOTT3

— ANI (@ANI) February 9, 2022

લખીમપુર કેસની તપાસ ચાલુ છે

પીએમ મોદીએ કહ્યું કે યોગી સરકારે લખીમપુર મામલાની તપાસ અટકાવી નથી. હાલમાં તપાસ ચાલુ છે. લખીમપુર ખીરી મામલે રાજ્ય સરકારે પારદર્શિતાથી કામ કરી રહી છે. અને સુપ્રીમ કોર્ટની ઇચ્છા અનુસાર તમામ નિર્ણયો લે છે.

ખેડૂતોના મુદ્દે શું બોલ્યાં પીએમ મોદી

પ્રધાનમંત્રી મોદીએ કહ્યું કે ત્રણ કૃષિ કાયદા ખેડૂતોના હિત માટે લાવવામાં આવ્યાં હતા પરંતુ દેશહિતમાં સરકારે તેને પાછા ખેંચી લીધા છે. મોદીએ કહ્યું કે  આ મુદ્દે હવે વધારે કંઈ વાત કરવાની જરુર  નથી. ભવિષ્યમાં બનતી ઘટનાઓ સ્પસ્ટ કરશે કે શા માટે આવા પગલાં જરુરી હતી. મોદીએ કહ્યું કે મેં હમેંશા ખેડૂતોના લાભ માટે કામ કર્યું છે અને ખેડૂતોએ પણ મને સપોર્ટ કર્યો છે. મોદીએ કહ્યું કે હું એવો વ્યક્તિ છું કે જે ખેડૂતોના દિલ જીતી લેવાની દિશામાં છે. મેં સમગ્ર દેશભરના ખેડૂતોના દિલ જીત્યા છે અને ખેડૂતોએ પણ મને પૂરતો ટેકો આપ્યો છે. 

શું છે યુપીનો લખીમપુર ખીરી કાંડ

યુપીમાં લખીમપુર ખીરીમાં કૃષિ કાયદાની વિરૃદ્ધમાં શાંતિપૂર્ણ રીતે પ્રદર્શન કરનાર ખેડૂતો પર કેન્દ્રીય મંત્રી અજય મિશ્રાના પુત્ર આશિષે કાર ચડાવી દીધી હોવાના આરોપ હતા. આ ઘટનામાં 8 ખેડૂતોના મોત થયા હતા અને રાષ્ટ્રીય સ્તરે આ મામલો ભારે ચગ્યો હતો અને કેન્દ્રીય મંત્રીના રાજીનામાની માગ પણ ઉઠી હતી. યુપી સરકારે આ કેસની તપાસ માટે સુપ્રીમના માર્ગદર્શન હેઠળ કમિટીની રચના કરી હતી અને હાલમાં આ કેસની તપાસ ચાલી રહી છે.