વર્લ્ડ / પ્રધાનમંત્રી મોદીએ ઈટલીના PM જ્યોર્જિયા મેલોનીને ઘુમાવ્યો ફોન, જાણો શું વાત થઈ

વડાપ્રધાન નરેન્દ્ર મોદી (PM Narendra Modi)એ ઇટલીના પીએમ જ્યોર્જિયા મેલોની (Georgia Meloni) સાથે ટેલિફોન પર વાત કરી છે. તેમણે ઇટલીને તેના મુક્તિ દિવસ પર શુભેચ્છા પાઠવી. ઇટલીમાં G7 સમિટમાં ભારતને આમંત્રણ આપવા બદલ પીએમ મોદીએ આભાર પણ માન્યો. બંને નેતાઓએ વ્યૂહાત્મક ભાગીદારીને વધુ મજબુત બનાવવા અંગે તેમના વિચારોનો પુનરોચ્ચાર કર્યો. તેઓએ પરસ્પર હિતના પ્રાદેશિક અને વૈશ્વિક મુદ્દાઓ પર પણ ચર્ચા કરી છે.

જ્યોર્જિયા મેલોની (Georgia Meloni) એ આ વર્ષે જૂનમાં ઇટલીમાં G7 સમિટ આઉટરીચ સત્રમાં ભાગ લેવા માટે વડાપ્રધાન નરેન્દ્ર મોદી (PM Narendra Modi) ને આમંત્રણ આપ્યું છે.

G20 પરિણામો પર ચર્ચા

પીએમ મોદીએ (PM Narendra Modi) સોશિયલ મીડિયા પોસ્ટમાં કહ્યું કે તેમણે વડાપ્રધાન જ્યોર્જિયા મેલોની (Georgia Meloni) સાથે વાત કરી અને ઇટલીને તેના મુક્તિ દિવસ પર શુભેચ્છા પાઠવી. જૂનમાં G7 સમિટમાં તેમને આમંત્રણ આપવા બદલ તેમનો આભાર માન્યો. ભારતમાં યોજાયેલા G20 ના પરિણામોને G7માં આગળ વધારવાની ચર્ચા કરી. અમારી વ્યૂહાત્મક ભાગીદારીને વધુ ગાઢ બનાવવાની પ્રતિબદ્ધતાનો પુનરોચ્ચાર કરવામાં આવ્યો.

Spoke with PM @GiorgiaMeloni and extended greetings as Italy celebrates its Liberation day today. Thanked her for the invite to the G7 Summit in June. Discussed taking forward #G20India outcomes at the G7. Reaffirmed commitment to deepening our Strategic Partnership.

— Narendra Modi (@narendramodi) April 25, 2024

વધુ વાંચો: બીજા તબક્કાનું મતદાન શરૂ, 13 રાજ્યોની 88 બેઠકો માટે ચૂંટણી, રાહુલ ગાંધી સહિત આ નેતાઓની અગ્નિપરીક્ષા

G7 સમિટ આઉટરીચ સત્ર 13 જૂનથી 15 જૂન દરમિયાન યોજાશે. PM મોદી અને PM જ્યોર્જિયા મેલોનીએ ઇટલીની અધ્યક્ષતામાં યોજાનાર G7 સમિટમાં ભારતની G20 અધ્યક્ષતાના મહત્ત્વના પરિણામોને આગળ વધારવા, ખાસ કરીને ગ્લોબલ સાઉથને પ્રોત્સાહન આપવા માટેની રીતો પર પણ ચર્ચા કરી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો