પાકિસ્તાન ક્રિકેટમાં ચાલી રહેલા ઉથલપાથલ વચ્ચે હવે શાહીન આફ્રિદી પાસેથી કેપ્ટન્સી છીનવાઈ ગઈ છે અને બાબર આઝમને ફરી એકવાર ODI અને T-20 ક્રિકેટમાં ટીમનો કેપ્ટન બનાવવામાં આવ્યો છે.
મોહસિન નકવી પાકિસ્તાન ક્રિકેટ બોર્ડ (PCB)ના નવા અધ્યક્ષ બન્યા બાદ ક્રિકેટ ટીમમાં સતત ફેરફાર થઈ રહ્યા છે. એવામાં હવે નકવીએ પોતે બાબરને આ જવાબદારી સોંપી છે. આ સાથે શાહીન આફ્રિદી હવે T-20 ક્રિકેટનો કેપ્ટન રહેશે નહીં.
એ વાત તો જાણીતી જ છે કે ODI વર્લ્ડ કપ 2023 બાદ પાકિસ્તાની ટીમના કેપ્ટન બાબર આઝમે ત્રણેય ફોર્મેટની કેપ્ટનશીપ છોડી દીધી હતી. આ પછી શાન મસૂદને ટેસ્ટ અને શાહીન આફ્રિદીને T20 ફોર્મેટનો કેપ્ટન બનાવવામાં આવ્યો હતો પરંતુ શાહીન આફ્રિદી પાસેથી કેપ્ટન્સી છીનવાઈ ગઈ છે.
પાકિસ્તાન ક્રિકેટ બોર્ડે હવે સફેદ બોલના ક્રિકેટ માટે નવા કેપ્ટનની જાહેરાત કરી છે અને ફરી એકવાર બાબર આઝમને પાકિસ્તાન ટીમનો કેપ્ટન બનાવ્યો છે. જોકે, આ વખતે તે સફેદ બોલની ક્રિકેટમાં ટીમનું નેતૃત્વ કરશે અને શાન મસૂદ ટેસ્ટમાં કેપ્ટનશિપ ચાલુ રાખશે.
વધુ વાંચો: લખનૌની જીત બાદ પોઈન્ટ ટેબલમાં થયો મોટો ફેરફાર, CSK ટોપ પર તો MI પહોંચી સૌથી છેલ્લે 10માં નંબર પર
જાણીતું છે કે બાબરે 43 વનડેમાં પાકિસ્તાનની કેપ્ટનશીપ કરી છે, જેમાં 26 મેચ જીતી અને 15 મેચમાં હારનો સામનો કરવો પડ્યો. તેણે ટેસ્ટ ક્રિકેટમાં 20 મેચમાં કેપ્ટનશિપ કરી છે. ટીમે 10માં જીત અને 6માં હારનો સામનો કરવો પડ્યો છે, જ્યારે 4 મેચ ડ્રો રહી છે. 71 T-20 મેચોમાંથી, ટીમ 42 જીતી અને 23 હારી. ODI, ટેસ્ટ અને T-20માં જીતની ટકાવારી અનુક્રમે 60.46, 62.50 અને 64.61 રહી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
