ભારે હાલાકી / અમદાવાદમાં AMCએ 9 સ્કૂલો બંધ કરતાં વાલીઓ પરેશાન, જર્જરિત બિલ્ડિંગ હોવાના કારણે લેવાયો નિર્ણય

એએમસી દ્વારા ખાડિયા શાળા નંબર 2,4,6,8,18,20,26 અને 32 બંધ થઈ ગઈ છે. રાયખડ ઉર્દું શાળા 7 અને 8 પણ બંધ થઈ ગઈ છે.  ત્યારે દેસાઈની પોળમાં સ્કૂલ બંધ કરી AMCએ હેલ્થ સેન્ટર શરૂ કર્યું છે. સ્કૂલો બંધ થતા કોટ વિસ્તારનાં વાલીઓને હાલાકી ભોગવવાનો વારો આવ્યો છે. જેમાં સ્કૂલો બંધ થતા વાલીઓ ઉંચી ફી ભરી બાળકોને બહાર ભણાવવા મજબૂર બન્યા છે. ત્યારે સ્થાનિકોએ બંધ થયેલી સ્કૂલો ફરી ચાલુ કરવાની માંગ કરી છે.

માંડવાળના કોટ વિસ્તાર માં મનપા સંચાલિત 9 સ્કૂલો બંધ થઇ જતા વાલીઓ પરેશાન થયા છે. ખાડિયા ની પોળો ખાલી થઇ જતા આ સ્કૂલો તંત્ર દ્વારા બંધ કરી દેવાઈ તો કેટલીક સ્કૂલો જર્જરિત ના નામે બન્ધ કરી ત્યાં અર્બન હેલ્થ સેન્ટર શરૂ કરી દેવાયા છે. 

ખાડિયા ની 9 સ્કૂલો બંધ કરી દેવામાં આવી

કોટ વિસ્તારએ અમદાવાદ ની ઓળખ છે. પરંતુ અહીં હવે ધીરે ધીરે કોમર્શિયલ પ્રવૃત્તિ વધી જેના કારણે રહેણાંક વિસ્તાર ઘટ્યો પરંતુ તેની સીધી અસર અહીં રહેતા બાળકો પર પડી છે.  અમદાવાદ કોર્પોરેશન દ્વારા ખાડિયા ની 9 સ્કૂલો બંધ કરી દેવામાં આવી છે જેના કારણે અહીં ના સ્થાનિકો એ 3 કિમિ દૂર સ્કૂલ માં જવું પડી રહ્યું છે. મનપા દ્વારા જર્જરિત ઇમારત અને બાળકો ની ઓછી સંખ્યા નું કારણ આપી આ સ્કૂલો છેલા કેટલાય સમય થી બંધ કરી દેવામાં આવી છે.  મનપા દ્વારા શાળાઓ મર્જ કરી દેવાના કારણસર આ સ્કૂલો બન્ધ કરવામાં આવી છે જેમાં  ખાડિયા શાળા નંબર  2,4 , 6 ,8, 18,20,26 32 રાયખડ ઉર્દૂ શાળા 7 અને 8 પણ બંધ કરી દેવાઈ છે જેના કારણે વાલીઓ મુશ્કેલી માં મુકાયા છે .. 
શાળા બંધ કરી અર્બન સેન્ટર ચાલુ કરવામાં આવ્યું
દેસાઈ ની પોળ માં આવેલી શાળા નંબરની 32 શાળા મનપા દ્વારા જર્જરિત હોવાનું કારણ આપી બંધ કરી દેવાઈ અને હવે અહીં અર્બન હેલ્થ સેન્ટર ચાલી રહ્યું છે . બાળકો નું ભાવિ બગાડી આ શાળા બંધ કરી દેવાઈ અને હવે અહીં અર્બન હેલ્થ સેન્ટર ચાલી રહ્યું છે.

પોળો માં બાળકો ની સંખ્યા ઓછી થાવને કારણે આ શાળા બંધ કરી મર્જ કરવી પડીઃકોર્પોરેટર પંકજ ભટ્ટ

સમગ્ર મામલે ખડિયા આ કોર્પોરેટર પંકજ ભટ્ટ નું કેહવું છે કે શાળાઓ જર્જરિત હતી માટે તે બંધ કરી અન્ય શાળા માં મર્જ કરવામાં આવી છે આ સ્કૂલો જલ્દી થી રીપેર થાય તે માટે પ્રયાસ ચાલુ છે. પોળો માં બાળકો ની સંખ્યા ઓછી થાવને કારણે આ શાળા બંધ કરી મર્જ કરવી પડી છે.

9 સ્કૂલો ના બાળકો દૂર દૂર ની સ્કૂલો માં ભણવા મજબુર બન્યા છે ત્યારે તંત્ર આ જર્જરિત સ્કૂલો પોળો ના બાળકો માટે ક્યારે ફરી શરૂ કરે છે તે જોવું રહ્યું.