વાયરલ / પરબધામના કરસનદાસ બાપુના વાયરલ વીડિયોમાં શું કોરોનાની ભવિષ્યવાણી હતી, કહ્યું હતું કે 2020માં...

• પરબધામના કરસનદાસ બાપુનો વીડિયો થયો વાયરલ
• વીડિયોમાં કરશનદાસ બાપુનો દાવો 
• કોરોના વાયરસ મુદ્દે કરસનદાસ બાપુની ભવિષ્યવાણી

લદ્દાખ, ઓડિસા, જમ્મૂ કાશ્મીરમાં કોરોના વાયરસના એક-એક નવા કેસ સામે આવ્યા છે. કેરળમાં ત્રણ કેસ સામે આવવાની સાથે જ દેશમાં સંક્રમિતોની સંખ્યા 123 સુધી પહોંચી છે. દેશમાં અત્યાર સુધીમાં કોરોના વાયરસના કારણે ત્રણ લોકોના મોત નિપજ્યાં છે. ત્યારે ગુજરાત સરકારે રાજ્યમાં 29 માર્ચ સુધી રાજ્યમાં શાળા, કોલેજો, મોલ અને જીમ બંધ રાખવાના આદેશ આપી દેવાયા છે. આ વચ્ચે પરબધામના કરસનદાસ બાપુનો એક ભવિષ્યવાણી કરતો વીડિયો સામે આવ્યો છે. જેમાં તેમણે 2020માં અજાણ્યા વાયરસના કહેરનો દાવો કર્યો હતો. જોકે, આ વીડિયોમાં 2020માં સમગ્ર વિશ્વનો વિનાશ થશે તેવો પણ દાવો કર્યો છે. હાલ સોશિયલ મીડિયામાં કોરોના વાયરસ મુદ્દે કરસનદાસ બાપુની આ ભવિષ્યવાણીનો વીડિયો વાયરલ થઇ રહ્યો છે.

આ વીડિયોમાં બાપુ કહી રહ્યા છે કે, હવે આ અંતિમ સમય છે, 2019નો સૂર્ય અસ્ત થશે અને 2020ની સદીનો ઉદય થશે. ત્યારે અનેક દુર્ઘટનાઓ થશે જેની કલ્પના નહીં કરી હોય. જેમાં સમુદ્રની સુનામી, સુર્યની સુનામી, વાવાઝોડા, ધરતીકંપ, લાવા જેવી દુર્ઘટનાઓ બનશે. 2020માં એવો વાયરસ આવે છે જે મહામારી લાવશે.