આરોગ્ય / બ્લડપ્રેશર પર કંટ્રોલ, હાડકાંની મજબૂતાઇ... જેવી અનેક સમસ્યાઓથી પનીર આપશે રાહત, જાણો ફાયદા

• હાડકાંને મજબૂત બનાવે છે
• રોગપ્રતિકારક શક્તિ વધારે છે
• વજન ઘટાડવામાં મદદરૂપ

પનીર પોષક તત્વોથી ભરપૂર હોય છે. પનીર સ્વાસ્થ્ય માટે ખૂબ જ ફાયદાકારક માનવામાં આવે છે. શાકાહારી લોકો માટે પનીર સૌથી ખાસ હોય છે. જો તમે ડાયટ પર છો તો તમારે પનીર ખાવું જોઈએ. પનીરમાંથી ઘણી મીઠાઈઓ પણ તૈયાર કરવામાં આવે છે. દૂધમાંથી બનેલા પનીરમાં મોટાભાગના પોષક તત્વો જોવા મળે છે. પનીરમાં વિટામિન B કોમ્પ્લેક્સ, હેલ્ધી ફેટ્સ, પ્રોટીન, કેલ્શિયમ, પોટેશિયમ, ફોસ્ફરસ, ઝિંક, મેગ્નેશિયમ, સેલેનિયમ જેવા પોષક તત્વો મળે છે.

પનીર ખાવાના ફાયદા

હાડકાંને મજબૂત બનાવે છે
પનીરમાં ભરપૂર માત્રામાં કેલ્શિયમ હોય છે. પનીર ખાવાથી હાડકાં મજબૂત થાય છે. બાળકોના આહારમાં પનીરનો સમાવેશ કરવો જ જોઇએ. પનીરના સેવનથી સાંધાના દુ:ખાવાથી પણ બચી શકાય છે.

રોગપ્રતિકારક શક્તિ વધારે છે
પનીર ખાવાથી શરીરને પોષણ અને એન્ટીઓક્સીડેન્ટ મળે છે. જેના કારણે રોગપ્રતિકારક શક્તિ મજબૂત બને છે. પનીર ખાવાથી શરીરને ઈન્ફેક્શનથી બચાવી શકાય છે અને કોઈપણ પ્રકારની બીમારી થાય તો તે ઝડપથી ઠીક થઈ જાય છે.

વાંચવા જેવું: શરીરમાં હિમોગ્લોબિન ઓછું હોવું સ્વાસ્થ્ય માટે હાનિકારક, જાણો મહિલા-પુરુષ બંનેને કેટલું જરૂરી

બ્લડ પ્રેશરને નિયંત્રિત કરે છે 
પનીરમાં પોટેશિયમ, કેલ્શિયમ અને મેગ્નેશિયમ સારી માત્રામાં હોય છે. જે બ્લડ પ્રેશરને નિયંત્રિત કરવામાં મદદ કરે છે. બીપીના દર્દીએ દરરોજ પોતાના આહારમાં પનીરનો સમાવેશ કરવો જોઈએ.

વજન ઘટાડવામાં મદદરૂપ
પનીર ખાવાથી સ્થૂળતા ઝડપથી ઓછી થાય છે. કેટલાક લોકો વજન વધારવા માટે પણ પનીર ખાય છે. તમારે બંનેમાં ખોરાકની રીત અને માત્રા નક્કી કરવાની છે. ઓછી માત્રામાં કાચું પનીર ખાવાથી વજન ઓછું થાય છે.

ત્વચા અને વાળ માટે હેલ્ધી
પનીરમાં પ્રોટીનની ઉચ્ચ ગુણવત્તા હોય છે. જે વાળ અને ત્વચાને મજબૂત બનાવે છે. પનીર શરીરને ફિટ રાખવામાં અને તમામ કાર્યોને યોગ્ય રીતે કરવામાં મદદ કરે છે. તેનાથી શરીરમાં પ્રોટીનની ઉણપને પૂરી કરી શકાય છે.

સ્નાયુઓને મજબૂત બનાવે છે
જો તમે જિમ અથવા અન્ય કોઈપણ પ્રકારનું હેવી વર્કઆઉટ કરો છો તો તમારે પનીરનું સેવન કરવું જોઈએ. પનીર ખાવાથી માંસપેશીઓના નિર્માણમાં મદદ મળે છે. પ્રોટીન સ્નાયુઓ માટે જરૂરી છે.