Viral Video / બોંબને મૂકો પડતો અને બાટલાનું કરો ! પાકિસ્તાનીઓનો વીડિયો જોઈને તમે આવું જ બોલી ઉઠશો

• પાકિસ્તાનની હાલત ભૂંડી થઈ
• મોંઘવારીએ આસમાન
• દેશમાં હવે બાટલા પણ ખૂટ્યા
• લોકોને બેગમાં ભરીને રાંધણ ગેસ લઈ જવાનો વારો આવ્યો 

ભૂખમરા અને ગરીબીના આરે પહોંચેલા પાકિસ્તાનમાં સામાન્ય જનજીવન પર પણ જોખમ સર્જાયું છે. લોકો પાસે ઘરનો ચૂલો સળગાવવા માટે રાંધણ ગેસના બાટલા નથી આવી સ્થિતિમાં તેઓ પ્લાસ્ટિકની મોટી મોટી થેલીઓમાં ભરીને ગેસ ઘરે લઈ જઈ રહ્યાં છે. 

#Pakistan With no natural gas supply to homes, residents of Karak, carry gas for their household needs in plastic bags. They are literally moving bombs. Karak has huge estimated reserves of oil and gas, while to the #Karak people legal gas connections are not provided since 2007. pic.twitter.com/FMphcH6nUa

— Ghulam Abbas Shah (@ghulamabbasshah) December 29, 2022

બાટલા નથી, રાંધણ ગેસ બેગમાં ભરવો પડ્યો 
ખૈબર પખ્તુનખ્વાના કરક વિસ્તારમાં છોકરાઓ મોટી પ્લાસ્ટિકની થેલીઓમાં ખૂબ જ કાળજીપૂર્વક પગપાળા અથવા મોટરસાયકલો પર ગેસ લઈ જતા જોવા મળશે. પહેલા તો તમે વિચારી શકો છો કે આ હવાથી ભરેલા મોટા ફુગ્ગાઓ છે. વાસ્તવમાં, આ ફુગ્ગાઓ નથી, તે પોલિથીન છે જે રસોઈ ગેસથી ભરેલા છે.

ગેસની લાઈન તૂટી પણ રિપેર કરનાર કોઈ નથી 
અહીંના લોકો પાસે બાટલા નથી કે રાંધણ ગેસની લાઈન પણ તૂટેલી છે અને 2 વર્ષથી બંધ હોવા છતાં હજુ સુધી રિપેર કરાઈ નથી. તેથી ખાવાનું બનાવવા માટે લોકો બાટલમાં નહીં પરંતુ પ્લાસ્ટિક મોટી મોટી થેલીઓ કે બોરીમાં ભરીને ગેસ લાવી રહ્યાં છે. 

એક બેગમાં 3થી 4 કિલો ગેસ
આ શહેરના બાળકો અને યુવાનોને રોજ મુશ્કેલીઓનો સામનો કરવો પડે છે અને ઘર માટે ખૂબ જોખમી રીતે ગેસ લાવવો પડી રહ્યો છે. એક બેગમાં 3થી 4 કિલો ગેસ હોય છે, જેમાં ખાવાનું ભાગ્યે જ બને છે. જો નસીબ સારું હોય, તો તેઓ ઠંડીની રાત્રે પોતાને ગરમ રાખવા માટે સક્ષમ છે. પડોશી હંગુ જિલ્લા નજીક ગેસ સપ્લાય લાઇન તૂટી ગઈ છે. આ વાતને બે વર્ષ થઈ ગયાં, પરંતુ પ્રશાસને હજુ સુધી તેને ઠીક કરવાની દરકાર લીધી નથી. આ પુરવઠો પડોશના હંગુ જિલ્લામાંથી દરરોજ આવે છે, જેના માટે તેમને દરરોજ બપોરે 3 થી 5 વાગ્યાની વચ્ચે લાંબી કતારોમાં ઉભા રહેવું પડે છે.

વીડિયો વાયરલ થતા ઉડી મજાક 
આ ઘટનાનો વીડિયો વાયરલ થતા લોકોએ તેની ખૂબ મચાવી ઉડાવી છે. જે દેશ આતંકવાદને પ્રોત્સાહન આપતી હોય તે લોકોને બાટલા પણ આપી શકતી નથી તેવું કહીને લોકોએ તેની મજાક ઉડાવી હતી.