બબાલ / ચૂંટણીનું વેર હજુ ભૂલાતું નથી! વડોદરામાં ધારાસભ્યના ભાઈએ કરી મારામારી, ઘટના CCTV માં કેદ

• પાદરાના MLAના ભાઈની બબાલનો વીડિયો વાયરલ
• હરેન્દ્રસિંહ ઝાલા અને નૈનેશ પટેલ નામના યુવક વચ્ચે મારામારી
• પાટણમાં ભાજપના શહેર મંત્રીના વાહન પર હુમલો

ગુજરાત વિધાનસભા-2022ની ચૂંટણી પૂર્ણ થઈ ગઈ છે પરંતુ તેનો વેર-ઝેર હજુ પણ હોય તેવા કિસ્સા સામે આવી રહ્યાં છે તેમજ રાજ્યમાં પોલીસની કડક કાર્યવાહી હોવા છતાં પણ અસામાજિક તત્વો બેફામ બન્યા હોય તેવા કિેસ્સા સામે આવી રહ્યાં છે. પાદરાના ધારાસભ્યના ભાઈનો વીડિયો વાયરલ થયો છે જેમાં ચૈતન્યસિંહ ઝાલાના ભાઇ અને એક શખ્સ વચ્ચે મારામારી  થઈ રહી છે.

પાદરાના MLAના ભાઈની બબાલનો વીડિયો વાયરલ
પાદરાના ધારાસભ્યના ભાઈનો વીડિયો વાયરલ થયો છે જેમાં ચૈતન્યસિંહ ઝાલાના ભાઇ અને એક શખ્સ વચ્ચે મારામારી થઈ રહી છે. હરેન્દ્રસિંહ ઝાલા અને નૈનેશ પટેલ નામના યુવક વચ્ચે મારામારીનો બનાવ જોવા મળી રહ્યો છે. ચૂંટણીની અદાવતમાં નૈનેશ પટેલને માર માર્યા હોવાનો આક્ષેપ પણ કરવામાં આવી રહ્યો છે. જો કે, મારામારીનો સમગ્ર મામલો પાદરા પોલીસ સ્ટેશન પહોંચ્યો છે. ગાંધી ચોક વિસ્તારમાં શુક્રવારે મોડી રાત્રે ઘટના બની હતી અને મારામારીની સમગ્ર ઘટના CCTVમાં કેદ થઇ છે

પાટણમાં ભાજપના શહેર મંત્રીના વાહન પર હુમલો
પાટણમાં ભાજપના શહેર મંત્રી સાધના પરમારના વાહન પર હુમલો થયો છે. અજાણ્યો શખ્સો કાર પર પથ્થરના ઘા કરીને ફરાર થઈ ગયા છે. શહેર મંત્રી સાધના પરમાર રાતના સમયે પરિવાર સાથે બહાર નિકળ્યા હતા ત્યારે જીઈબી બ્રિજથી ગાયત્રી મંદીરનાં સર્વિસ રોડ તરફ જતા વચ્ચે સમગ્ર બનાવ બન્યો હતો. આ સમગ્ર બાબતે સાધના પરમારે અજાણ્યા શખ્સો વિરુદ્ધ ફરિયાદ પણ નોંધાવી છે. પોલીસે ફરિયાદને આધારે તપાસ હાથ ધરી છે.