સૂચના / પશુઓને લઈને તંત્રનું જાહેરનામું: આ નિયમોનું કરવું પડશે ફરજિયાત પાલન

• રાજ્યમાં છેલ્લા 24 કલાકમાં રખડતા પશુને કારણે 3 લોકોએ ગુમાવ્યો જીવ
• ગઈકાલે પાટણમાં રખડતા પશુની અડફેટે 2 મહિલાઓનાં મોત નિપજ્યા હતા
• સુરતના ઓલપાડમાં બાઈક સાથે ગાય અથડાતા પાછળ બેઠેલ વ્યક્તિનું મોત નિપજ્યું

 રાજકોટમાં દિન પ્રતિદિન પશુઓનો ત્રાસ વધતો જાયં છે. જેને લઈને રાજકોટ કમિશ્નર દ્વારા પશુ પાલકો માટે જાહેરનામું બહાર પાડવામાં આવ્યું છે. તમામ પશુપાલકો તેમજ ગૌ સેવકોએ પોતાના પશુનું રજીસ્ટ્રેશન ફરજીયાત કરવા પોલીસ કમિશ્નર રાજુ ભાર્ગવ દ્વારા જાહેરનામું બહાર પાડી  પશુપાલકોને અનુરોધ કર્યો છે. ઉલ્લેખનીય છે કે એક મહિના પહેલા એક રખડતા ઢોરે એક વૃદ્ધને હડફેટે લીધા હતા. જે બાબતે પોલીસે ગુન પણ દાખલ કર્યો હતો.

રાજકોટ સહિત અન્ય જીલ્લાઓમાં રખડતા પશુઓનો ત્રાસ વધતો જાય છે. રખડતા પશુની હડફેટે આવતા લોકોને જીવ ગુમાવવાનો પણ વારો આવે છે અને પોલીસ મથકે પણ અનેક ગુનાઓ નોંધાવા પામ્યા છે. જે અંતર્ગત પોલીસ કમિશ્નર રાજુ ભાર્ગવે જણાવ્યું હતું કે રાજકોટ મહાનગર પાલિકાના અધિકારીઓ સાથે બેઠક કર્યા બાદ અન્ય શહેરોની જેમ રાજકોટ પોલીસે પણ જાહેરનામું બહાર પાડ્યું છે. તેમજ તમામ પશુપાલકોએ પોતાના પશુનું રજીસ્ટ્રેશન ફરજીયાત કરવા સૂચના અપાઈ છે.

રાજ્યમા 24 કલાકમાં રખડતા પશુને કારણે 3 લોકોએ જીવ ગુમાવ્યો
રાજ્યમાં છેલ્લા 24 કલાકમાં રખડતા પશુને કારણે 3 લોકોએ જીવ ગુમાવવાનો વારો આવ્યો છે. ત્યારે ગઈકાલે પાટણમાં રખડતા પશુની અડફેટે 2 મહિલાઓના મૃત્યું નિપજ્યા હતા. આજે  સુરતના ઓલપાડ રોડ પર બાઈક સાથે ગાય અથડાતા બાઈક પર સવાર 2 લોકો નીચે પટકાયા હતા.જેમાં પાછળ બેઠેલ વ્યક્તિને માથામાં ગંભીર ઈજાઓ પહોંચતા હોસ્પિટલમાં સારવાર હેઠળ ખસેડવામાં આવ્યા હતા. જ્યાં સારવાદ દરમ્યાન મોત નિપજવા પામ્યું હતું.