મહેસાણા / 'હું એકલો જ આગળ આવું, મારો જ ફોટો પડે અને બીજાને..' નીતિન પટેલે જણાવ્યું રાજકારણનું કટુ સત્ય

• નીતિન પટેલે રાજકારણની પદ્ધતિ સમજાવી
• 'હું એકલો જ આગળ આવું, મારો એકલાનો જ ફોટો પડે'
• 'બીજા કોઈ ને દેખાવા ન દેવાના એવી પદ્ધતિ હોય છે'

મહેસાણાના કડી ખાતે 27 સમાજ સરદાર યુવક મંડળ દ્વારા રક્તદાન શિબિર કેમ્પ તેમજ નીતિન પટેલના રૂણ સ્વીકાર કાર્યક્રમનું આયોજન કરવામાં આવ્યું હતું. જ્યાં એક સભાનું પણ આયોજન કરવામાં આવ્યું હતું. જે સભામાં પૂર્વ નાયબ મુખ્યમંત્રી નીતિન પટેલે રાજનીતિ કેટલીક વાત કરી હતી. નીતિન પટેલે જણાવ્યું કે, અમારા રાજકારણમાં શુ હોય છે કે, હું એકલો જ આગળ આવું, મારો એકલાનો જ ફોટો પડે બીજા કોઈ ને દેખાવા ન દેવાના એવી પદ્ધતિ હોય છે. નીતિન પટેલે રાકારણની પદ્ધતિ સમજાવતા વધુમાં કહ્યું કે, પરંતુ અહી એકલાનો જ નહી, મારા સાથીદારો તેમજ કાર્યકરો અને મારા બોલાયેલા મહેમાનોનું એેક એક જણનું સ્વાગત કર્યું છે.  

નીતિન પટેલનું નિવેદન
નીતિન પટેલ જણાવ્યું કે,  હું આ કક્ષાએ ત્યારે પહોંચી શક્યો જ્યારે તમારા જેવા હજારો લોકોએ મને મદદ કરી ત્યારે હું અહીંયા પહોંચી શક્યો છું. એકબીજાને મદદ કરવી અને ટેકો આપવો તે આપણામાં છે. તેમણે બ્લેડ ડોનેશન શિબિર વિશે કહ્યું કે, આપણા સરદાર યુવક મંડળ દ્વારા ડોનેશન કેમ્પ યોજી બ્લડ એકત્રિત કરવામાં આવ્યું છે. 11,000માંથી એક એકનો જીવ બચ્યો હોય તો 11000ના જીવ સરદાર પટેલના નામથી બનેલી સંસ્થાના કારણે બચાવી શક્યા છે.

અગ્રણી મુકેશ પટેલે શું કહ્યું ?
27 સમાજ સરદાર યુવક મંડળ અગ્રણી મુકેશ પટેલે જણાવ્યું હતું કે, સરદાર યુવક મંડળની 2006માં સ્થાપના કરવામાં આવી તે દરમિયાન નીતિન પટેલને હું મળવા માટે ગયો હતો ત્યાર બાદ જ તેમના અનુભવો અને માર્ગદર્શનના આધારે વિચાર કર્યા બાદ સંગઠનની સ્થાપના કરી હતી. ગુજરાત રાજ્યની અંદર આપણે જોયું હશે જે સંસ્થાની પાછળ યુવક મંડળ લાગે તેમાં 80 ટકા મંડળો અને સંસ્થાઓ ઉત્સાહભેર સ્થાપના થતી હોય છે અને પછી ટૂંકા સમયગાળાની અંદર બાળ મૃત્યુ થઈ જતું હોય છે. ત્યારે મને કહેતા આનંદ થાય છે કે આ સંસ્થાને 17 વર્ષ પૂર્ણ થયા છે. સરદાર યુવક મંડળના એકપણ કાર્યક્રમમાં એવું નહીં બન્યું હોય કે નીતિન પટેલ ઉપસ્થિત રહ્યાં ન હોય.