શોક / પતિ શહીદ થયો તેની ખબર મળતાં જ પત્ની આઘાતમાં, અઢી વર્ષ પહેલાં થયા હતા લગ્ન

• જમ્મુ કાશ્મીરના સરહદીય જિલ્લા રાજોરીમાં તહેનાત નિશાંત શર્મા ક્રોસ બોર્ડર ફાયરિંગમાં ગંભીર ઘાયલ થયા હતા રવિવારે અંતિમ શ્વાસ લીધો
• શહાદતની ખબર મળતાં જ નિશાંતના પરિવારજનો આઘાતમાં સરી પડ્યાં
• પત્ની સોનમ શર્માના તો રડી-રડીને આંસુ ખૂટી ગયા હતા. તેઓ અર્ધપાગલ જેવા બની ગયા

જમ્મુ કાશ્મીરના રાજોરીમાં આંતરરાષ્ટ્રીય સરહદે ક્રોસ બોર્ડર ફાયરિંગમાં સહારનપુરના સપૂત નાયક નિશાંત શર્મા શહીદ થતા તેમના માદરે વતનમાં શોકનું મોજૂ ફરી વળ્યું હતું. જમ્મુ કાશ્મીરના સરહદીય જિલ્લા રાજોરીમાં તહેનાત નિશાંત શર્મા ક્રોસ બોર્ડર ફાયરિંગમાં ગંભીર ઘાયલ થયા હતા. 18 જાન્યુઆરીએ નિશાંતને ઉધમપુર સ્થિત કમાન્ડ હોસ્પિટલમાં ભરતી કરાવવામાં આવ્યાં હતા જ્યાં રવિવારે મોડી રાતે તેમને અંતિમ શ્વાસ લીધો હતો.

શહીદ શર્મા 61 રાષ્ટ્રીય રાઈફલ જાટ રેજિમેન્ટમાં તહેનાત હતા. નિશાંતના પિતા જોગેન્દ્ર શર્મા ખાંડની ફેક્ટરીના સેવાનિવૃત કર્મચારી છે. તેમનો નાનો ભાઈ શુભમ પણ સૈનિક તરીકે દેશેસવા કરી રહ્યાં છે. 

શહાદતની ખબર મળતાં જ નિશાંતના પરિવારજનો આઘાતમાં સરી પડ્યાં હતા. પત્ની સોનમ શર્માના તો રડી-રડીને આંસુ ખૂટી ગયા હતા. તેઓ અર્ધપાગલ જેવા બની ગયા હતા અને થોડો સમય સુધી તો બેભાન પણ રહ્યાં હતા. સોનમને પતિના મોતનો એટલો બધો આઘાત લાગ્યો કે તેઓ જાતે જ રૃમમાં પુરાઈ ગયા હતા અને પોતાના હાથ પર ઈજાઓ કરી લીધી હતી. પરંતુ પરિવારજનો અને ગામલોકોએ જેમ તેમ કરીને તેમને રૃમમાંથી બહાર કાઢીને હોસ્પિટલ લઈ ગયા હતા. નિશાંતની માતાની હાલત પણ બગડી હતી પરિવારની મહિલાઓ તેમને સંભાળતી જોવી મળી હતી. 

પિતા ચાદર ઓઢીને ગુમસુમ બેસી રહ્યાં 

નિશાંતના પિતા જોગેન્દ્ર શર્મા પર ખુરશી પર સુનમૂન થઈને બેસી રહ્યાં હતા. મેં તો મારા બન્ને દિકરાઓને સેનામાં ભતી કરાવી રાખ્યા છે, એક શહીદ થયો, બીજો સેવા બજાવી રહ્યો છે. નિશાંતના મોટાભાઈ ઋષભ અને બીજા લોકો તેમને સાંત્વના આપી રહ્યાં હતા. શહેરના નિવાસી કર્નલ મધુર ગોયેલે પણ નિશાંતના મોત પર ઘેરા શોકની લાગણી વ્યક્ત કરી હતી. તેમણે કહ્યું કે પરિવારના એક જાંબાઝ સપૂતે પોતાની જાતને દેશ માટે ન્યોછાવર કરી દીધી છે.