સરખેજ ગાંધીનગર હાઈવેને સિક્સ લેન કરવા માટે કેન્દ્ર સરકારે ગુજરાતને લીલીઝંડી આપી દીધી છે. અગાઉ આ માર્ગના વિસ્તૃતિકરણ માટે કેન્દ્ર સરકારે ટોલટેક્સ લાદવાનો નિર્ણય લીધો હતો. પરંતુ ગુજરાત સરકારની રજૂઆતના પગલે તે નિર્ણયને મોકૂફ રાખ્યો છે.
ગુજરાત સરકાર પણ આ હાઈવે પર ટોલટેક્સ નહિં નાખે. કૂલ 750 કરોડના આ પ્રોજેક્ટને અગાઉ પ્રાથમિક મંજૂરી કેન્દ્રએ આપી હતી હવે તેની કામગીરી શરૂ કરવા કેન્દ્રએ ગુજરાત સરકારને લીલીઝંડી આપી દિધી છે. સરખેજથી ગાંધીનગર વચ્ચે સિક્સ લેન રોડ પર મહત્વના ટ્રાફિકથી ધમધમતા જંક્શનો પર ઓવરબ્રીજ બનાવવામા આવશે જેની કામગીરી પણ ટૂંક સમયમા શરૂ કરવામા આવશે.
