અમદાવાદ અર્બન ડેવલપમેન્ટ ઓથોરિટીએ DPS સ્કૂલની વિવાદીત ઓફિસ સીલ કરી છે. જેને લઈને મામલો ગરમાયો છે. આ ઓફિસનું બાંધકામ ઔડાની મંજૂરી વિના કરવામાં આવ્યું હતુ. જે મામલે ઔડાએ શાળાને અગાઉ નોટિસ પણ ફટકારી હતી. જેને લઈને ઔડાએ કાર્યવાહી હાથ ધરી છે. અને સ્કૂલની ઓફિસ સીલ કરી દીધી છે.
ADVERTISEMENT
આ મામલે ઉશ્કેરાયેલા શાળાના શિક્ષકો અને સુરક્ષાકર્મીઓ ભાન ભૂલી ગયા અને તેમણે મીડિયા કર્મીઓ પર હુમલો કર્યો. સુરક્ષાકર્મીઓ મીડિયાકર્મીઓને લાકડીથી માર મારવાનો પ્રયાસ કર્યો. તો શાળાની શિક્ષિકાઓએ પણ મીડિયાકર્મીઓ સાથે ગેરવર્તણૂક કરી.
ADVERTISEMENT
ઉલ્લેખનીય છે કે અમદાવાદના હિરાપુરમાં આવેલી ડીપીએસ સ્કૂલે ખેતીલાયક જમીન પર સ્કૂલનું બાંધકામ કરતા કાર્યવાહી કરવામાં આવી હતી. જોકે આ ઘટના બાદ હાલમાં હજારો વિદ્યાર્થીઓના ભાવી અધ્ધરતાલ થયા છે. તો અમદાવાદના હીરાપુર વિસ્તારમાં આવેલી આ સ્કૂલની કાર્યવાહી સામે કેટલાક સવાલો ઉભા થઈ રહ્યા છે.
