ચાઈનીઝ કેમિકલ / 50 રૂપિયાના માલને 160માં વેચતા, ખેડા નકલી હળદર ફેક્ટરી મુદ્દે નવા ખુલાસા, આંતરરાષ્ટ્રીય માર્કેટમાં મોકલાતી, બે ની ધરપકડ

Vishal Khamar

Last Updated: 05:53 PM, 14 April 2023

FOLLOW ON

શેર કરો

ખેડાની ફેક્ટરીમાંથી નકલી હળદર ઝડપાવા મુદ્દે નવા ખુલાસા થઈ રહ્યા છે. જેમાં આ નકલી હળદરની આંતરરાષ્ટ્રીય માર્કેટમાં પણ નિકાસ કરવામાં આવતી હોવાનું તપાસમં સામે આવ્યું છે.

નકલી હળદર બનાવતી ફેક્ટરી ઝડપાઇ
બે આરોપીઓની નડિયાદ પોલીસે કરી ધરપકડ
બંને સગા ભાઇઓની માલિકીની હતી નકલી હળદરની ફેક્ટરી
લોકલ માર્કેટ અને વિદેશમાં એક્સપોર્ટ થતી બનાવટી હળદર

ખેડાની ફેક્ટરીમાંથી નકલી હળદર ઝડપાવા મુદ્દે સતત ખુલાસા થઈ રહ્યા છે. જેમાં દેવ સ્પાયસીસ કંપની આંતરરાષ્ટ્રીય માર્કેટમાં પણ નિકાસ કરતી હતી. બજાર કરતા અત્યંત ઓછા ખર્ચે હળદર તૈયરા થતી હતી. મધ્યપ્રદેશ અને હરિયાણા સરકારનાં માર્કાવાળા ઘઉંને દળવામાં આવતા હતા. હળદરના પ્રોસેસિંગ માટે ચાઈનીઝ કેમિકલ વપરાતું હતું. નકલી હળદરને ખેડા, આણંદ, અમદાવાદ સહિત અન્ય વિસ્તારમાં પહોંચાડાતી હતી. રશિયા સહિતનાં દેશને આંતરરાષ્ટ્રીય માર્કેટમાં પણ આ હળદર નિકાસ કરાતી હતી.

બંને આરોપીઓને કોર્ટમાં રજૂ કરી રિમાન્ડ માંગવામાં આવશે
ખેડામાં બનાવટી હળદર બનાવતી ફેક્ટરી ઝડપાઈ છે. બે સગા ભાઈઓ નકલી હળદરની ફેક્ટરી ચલાવતા હતા. બંને આરોપીઓની નડિયાદ ટાઉન પોલીસે ધરપકડ કરી હતી. અમિત ટહેલ્યાની અને પંકજ ટહેલ્યાની ધરપકડ થઈ છે. બંને આરોપીઓને કોર્ટમાં રજૂ કરી રિમાન્ડ માંગવામાં આવશે. શંકાસ્પદ ચીજ વસ્તુઓનું મિશ્રણ કરી નકલી હળદર વેચતા હતા. લોકલ માર્કેટ અને વિદેશમાં બનાવટી હળદર એક્સપોર્ટ કરવામાં આવતી હતી.