એલર્ટ / સાયબર ગેંગનો નવો પેંતરો! **21# કોડ અને તમારું બેંક એકાઉન્ટ ખાલીખમ

રાજસ્થાનમાં સાઇબર ગુનેગારોએ લોકોને છેતરવાનો નવો રસ્તો શોધી કાઢ્યો છે. જેના માધ્યમે તેઓ લોકોના  બેન્ક  એકાઉન્ટ, સોશિયલ મીડિયા અને વ્હોટ્સએપને પણ એક્સેસ કરી શકે છે. આ નવી પધ્ધતિમાં કોલ ફોરવર્ડિંગ જેવા સામાન્ય ફીચરનો ઉપયોગ કરીને સામાન્ય લોકોને મોટા જાળમાં ફસાવવામાં આવે છે. રાજસ્થાન પોલીસની સાઇબર બ્રાન્ચે આ ખતરનાક સ્કેમને લઈને ચેતવણી જારી કરી છે અને લોકોને સતર્ક રહેવાની અપીલ કરી છે.

કેવી રીતે થઈ  રહ્યો છે આ ફ્રોડ?

સાઇબર ક્રાઇમના અધિકારી મુજબ, સાઇબર ઠગ સોશિયલ એન્જિનિયરિંગનો ઉપયોગ કરીને પહેલા તમારો વિશ્વાસ જીતે છે, તે પોતાને પાર્સલ ડિલિવરી એજન્ટ, બેંક અધિકારી કે કોઈ જૂનો મિત્ર કહીને ફોન કે વોટ્સએપ પર કોન્ટેક્ટ કરે છે. પછી તે કોઈ પણ બહાને તમારી પાસે એક કોડ ડાયલ કરવાનું કહે છે, જેમ કે: **21* ફોન નંબર પર # જેવો કોઈ વ્યક્તિ આ કોડ ડાયલ કરે છે, તો તેનું કોલ ફોરવર્ડિંગ સિસ્ટમ એક્ટીવેટ થઈ જાય છે અને તેના નંબર પર આવતા તમામ કોલ્સ અને OTP વેરિફિકેશન કોલ્સ પણ ડાયરેક્ટ ગુનેગાર પાસે પહોંચી જાય છે.

શું-શું થઈ શકે છે નુકસાન?

• વોટ્સએપ હેક કરીને  સગા-સંબંધીઓ પાસે પૈસાની માંગ
• બેન્કિંગ એપ્સથી ડાયરેક્ટ ટ્રાંજેક્શન
• સોશિયલ મીડિયા એકાઉન્ટ હેક
• પ્રાઇવેટ ડેટા અને ઓળખની ચોરી

રાજસ્થાન પોલીસની સલાહ અને બચાવની પધ્ધતિ

1. ટુ-ફેક્ટર ઓથેંટિકેશન જરૂરી છે: તમારે તમામ સોશિયલ મીડિયા અને બેકિંગ એપ્સમાં 2-Step Verification ઑન કરો.
2. અજાણ્યા ફોનથી સાવધાન: OTP કે કોડ માંગતા કોલ્સથી દૂર રહેવું. કોઈ પણ શંકાસ્પદ કોડ ડાયલ કરતાં પહેલા તેની તપાસ કરો.
3. કોઈ પણ USSD કોડ વિના પુષ્ટિ કર્યા વિના ડાયલ ન કરો:  **21#, *401#, જેમ કે કોડ્સને તરત ડાયલ કરવો તમારી ડિજિટલ સુરક્ષાને જોખમમાં નાખી શકે છે.

ફ્રોડ થઈ જાય તો તરત ફરિયાદ કરો

• ફોન કરો: 1930 સાયબર હેલ્પલાઈન
• વેબસાઈટ પર ફરિયાદ કરો: cybercrime.gov.in
• નાકમાં ફોનને રિપોર્ટ કરો: sancharsaathi.gov.in

આ પણ વાંચોઃVIDEO : અભિનેત્રીના પિતા પર જીવલેણ હુમલો, આરોપીઓએ ક્લિનિકમા ઘૂસીને કર્યું ફાયરિંગ

અનનોન નંબર ડાયલ કરવાનું ટાળવું

આજના ડિજિટલ યુગમાં, એક નાની બેદરકારી તમને આર્થિક અને માનસિક બંને રીતે મોટું નુકસાન પહોંચાડી શકે છે. કોલ ફોરવર્ડિંગ જેવી સરળ સુવિધાને છેતરપિંડીના હથિયારમાં ફેરવી નાખનારા ગુનેગારોથી સાવધાન રહો. જો કોઈ અજાણ્યો વ્યક્તિ તમને કોડ ડાયલ કરવાનું કહે, તો સાવધાન રહો - આ તમારા મોબાઇલ, બેંક અને ઓળખ પર હુમલો હોઈ શકે છે!

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ