હુમલો / VIDEO : અભિનેત્રીના પિતા પર જીવલેણ હુમલો, આરોપીઓએ ક્લિનિકમા ઘૂસીને કર્યું ફાયરિંગ

Punjab Firing Video : પંજાબી અભિનેત્રી તાનિયાના પિતા પર ગોળીબાર થયો હોવાના સમાચાર સામે આવ્યા છે. વિગતો મુજબ મોગાના કોટ ઈસે ખાન શહેરમાં હરબન્સ નર્સિંગ હોમના સંચાલક અને પંજાબી અભિનેત્રી તાનિયાના પિતા ડૉ. અનિલજીત કંબોજ પર ક્લિનિકમાં ઘૂસેલા બે અજાણ્યા યુવાનોએ ગોળીબાર કર્યો હતો. ડૉક્ટરને બે ગોળીઓ વાગી હતી જેના કારણે તેઓ ગંભીર રીતે ઘાયલ થયા હતા.

પ્રાથમિક વિગતો મુજબ આરોપી યુવક દર્દીનો વેશ ધારણ કરીને ક્લિનિકમાં આવ્યો હતો. તેમાંથી એકે કહ્યું કે, તેના પગમાં ચેપ લાગ્યો છે અને તેને પરીક્ષણોની જરૂર છે. ડૉક્ટરે તેના પગની તપાસ શરૂ કરતાની સાથે જ તેની પાછળ ઉભેલા બીજા યુવકે અચાનક ગોળીબાર શરૂ કરી દીધો. ઘટના બાદ સામે આવેલા સીસીટીવી ફૂટેજ ફોટામાં બંને હુમલાખોર સરદાર તરીકે જોવા મળે છે જેમની ઉંમર લગભગ 30 વર્ષની હોવાનું કહેવાય છે.

બંને યુવાનો સવારે લગભગ 10 વાગ્યે ક્લિનિક પર આવ્યા હતા પરંતુ ડૉક્ટર ઉપલબ્ધ ન હોવાથી પાછા ફર્યા હતા. ત્યારબાદ તેઓ ફરીથી બપોરે 12:50 વાગ્યે આવ્યા અને આ ગુનો કર્યો.

ડિસેમ્બર 2022માં એક ધમકીભર્યો ફોન

માહિતી અનુસાર ડિસેમ્બર 2022માં ડૉ.અનિલજીત કંબોજને એક ધમકીભર્યો ફોન આવ્યો હતો, જેમાં ખંડણીના પૈસાની માંગણી કરવામાં આવી હતી. આ સંદર્ભમાં મોગા પોલીસમાં ફરિયાદ આપવામાં આવી હતીત્યારબાદ પોલીસે 15 ડિસેમ્બર 2022 ના રોજ FIR નોંધી હતી. આ ધમકી ગેંગસ્ટર લખબીર સિંહ લાંડા દ્વારા આપવામાં આવી હતી.

આ પણ વાંચો : VIDEO : કાર શાકભાજીની લારી સાથે અથડાઈ તો, ઢોર માર મારીને યુવકનું કાસળ કાઢી નાખ્યું

ડૉ. વિજય કાલરાએ જણાવ્યું હતું કે, ડૉ. અનિલ કંબોજને બે ગોળી વાગી હતી, એક છાતીની બાજુમાં અને એક પેટમાં. ગોળી તેમના શરીરમાંથી પસાર થઈ ગઈ હતી. ડૉક્ટરોની ટીમે ત્રણ કલાકની સર્જરી પછી ગોળી કાઢી હતી, પરંતુ તેમની હાલત ખૂબ જ નાજુક છે. તેઓ હાલમાં ICUમાં છે. મોગાના SPD બાલકૃષ્ણન સિંગલાએ જણાવ્યું હતું કે, આ કેસમાં પોલીસે ડૉ.અનિલ કંબોજના પુત્ર ચાહત કંબોજના નિવેદનના આધારે બે અજાણ્યા લોકો સામે કેસ નોંધ્યો છે. પોલીસ તપાસ કરી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ