Coronavirus / PM મોદીએ 21 લાખ કરોડના પેકેજની દેખરેખ માટે બનાવી ટીમ, આ મંત્રીઓને આપી જવાબદારી

• પીએમ મોદીએ 21 લાખ કરોડ રૂપિયાના પેકેજને યોગ્ય રીતે લાગૂ કરવા માટે એક ટીમ તૈયાર કરી 
• દેશમાં સોમવારથી લૉકડાઉનનું ચોથુ ચરણ 31 મે સુધી ચાલુ રહેશે

સૂત્રો મુજબ મંત્રીઓના આ સમૂહમાં ગૃહમંત્રી અમિત શાહ, નાણા મંત્રી નિર્મલા સીતારમણ, રેલવે અને વાણિજ્ય મંત્રી પીયૂષ ગોયલ, ઉડ્ડયન વિકાસ મંત્રી હરદીપ સિંહ પુરી સામેલ છે. પીએમ મોદીની તરફથી 20 લાખ કરોડ રૂપિયાના પેકેજના એલાન બાદ નાણા મંત્રી નિર્મલા સીતારમણે સતત 5 દિવસ સુધી પેકેજ વિશે આખી જાણકારી આપી છે. 

નાણા મંત્રી પોતાની તરફથી આપેલા નિવેદનમાં કુલ 21 લાખ કરોડ રૂપિયા ખર્ચ કરવાની વાત કહી છે. સરકારનું કહેવું છે કે આ પેકેજથી કોરોના સકંટથી મંદીમાં ઘેરાયેલી અર્થવ્યવસ્થાને ગતિ મળી શકશે. ઇન્ડિયન એક્સપ્રેસની રિપોર્ટ મુજબ પેકેજને લાગૂ કરવાની રીત અને અન્ય ચીજોને લઇને સોમવારે મંત્રી સમૂહની પહેલી બેઠક થઇ શકે છે. અત્યાર સુધીમાં 5 ભાગમાં નાણા મંત્રીએ નિર્મલા સીતારમણ પેકેજ વિશે વિસ્તારથી જાણકારી આપી ચૂક્યા છે. 

આ દરમિયાન દેશમાં સોમવારથી લૉકડાઉનનું ચોથુ ચરણ લાગૂ થઇ ગયું છે, જે 17થી લઇને 31 મે સુધી ચાલવાનું છે. સરકાર તરફથી અત્યાર સુધીમાં ગરીબો, મજૂરો, ખેડૂતો સહીત નાના ઉદ્યોગોને મજબૂતી આપવા માટે 20, 97,053 કરોડ રૂપિયાનું પેકેજ જાહેર કરવામાં આવી ચૂક્યું છે.

તેમાંથી 1.92 લાખ કરોડ રૂપિયા પીએમ ગરીબ કલ્યાણ યોજના હેઠળ ખર્ચ થવાના છે, જેમાંથી 1.7 લાખ કરોડ રૂપિયા 27 માર્ચે જાહેર કરાયા હતા. પીએમ મોદીએ આ પેકેજને આત્મનિર્ભર ભારત અભિયાન નામ આપતા ભારતને મેન્યુફેક્ચરિંગનું હબ બનાવવાની વાત કહી છે.