પ્રવેશબંધી યથાવત / શું ગાઝીપુર બોર્ડર પરથી ખિલ્લાબંધી હટાવાઈ, વીડિયો વાઈરલ થયા પછી દિલ્હી પોલીસે કરી આ ચોખવટ

• વાઈરલ વીડિયોમાં એક વ્યક્તિ ખીલ્લા હટાવી રહેલો દેખાતો હતો 
• ખિલ્લાઓ હટાવાઈ રહયાં નથી પરંતુ તેને ફરી ગોઠવવામાં આવી રહ્યાં છે- ડીસીપી દિપક યાદવ 
• લોકોની સલામતી માટે અમે ખીલ્લાઓ ત્યાંથી હટાવીને બીજે ઠેકાણે લગાડી રહ્યાં છીએ. 

આ વીડિયો સોશિયલ મીડિયા પર ખૂબ વાઈરલ થયા બાદ દિલ્હી પોલીસને ખુલાસો પણ આપવો પડ્યો હતો.

દિલ્હી ઈસ્ટ ઝોનના ડીસીપી દિપક યાદવે જણાવ્યું કે ખિલ્લાઓ હટાવાઈ રહયાં નથી પરંતુ તેને ફરી ગોઠવવામાં આવી રહ્યાં છે. બોર્ડર પર સ્થિતિ પહેલા જેવી જ છે. તેમાં કોઈ ફેરફાર કરાયો ન થી. તેમણે કહ્યું કે સોશિયલ મીડિયા પર વીડિયો અને ફોટો શેર કરાઈ રહ્યાં કે ગાઝીપુર બોર્ડર પરથી ખિલ્લા હટાવાઈ રહ્યાં છે પરંતુ તે સત્ય નથી. ખિલ્લાઓને વ્યવસ્થિત કરાઈ રહ્યાં છે. ગાઝીપુરના રસ્તા પર ખિલ્લાઓ વાળવાનો પણ એક વીડિયો વાઈરલ થયો હતો. 

"Videos and photos are getting circulated in which it's shown that nails are being taken off Ghazipur. These are just being repositioned. Position of arrangement at border remains the same," Delhi Police clarifies

— ANI (@ANI) February 4, 2021

લોકોની સલામતી માટે ખિલ્લા હટાવીને બીજે લગાડ્યા- દિલ્હી પોલીસ 

ડીસીપી યાદવે કહ્યું કે અગાઉ જે સ્થળે ખિલ્લા લગાડાયા હતા ત્યાં લોકો ભાગ્યેજ જતા હતા. પરંતુ હવે ત્યાં લોકો ભેગા થઈ રહ્યાં હોવાનું જણાઈ રહ્યું છે, અમને ડર લાગે છે કે ખિલ્લા તેમને માટે મોટી મુસીબત સર્જી શકે છે. તેથી લોકોની સલામતી માટે અમે ખીલ્લાઓ ત્યાંથી હટાવીને બીજે ઠેકાણે લગાડી રહ્યાં છીએ. 

ખેડૂતોની પ્રવેશબંધી યથાવત 

26 જાન્યુઆરીની ખેડૂતોની ટ્રેક્ટર રેલી બાદ ખેડૂતોને દિલ્હીની અંદર આવતા અટકાવવા ગાઝીપુર બોર્ડર રસ્તા પર ખિલ્લાઓ અને લોખંડની પાટ તથા કોંક્રિટની બેરિકેડ તથા વાયર લગાડવામાં આવ્યાં હતા.  મોટી સંખ્યામાં સુરક્ષા કર્મીઓ તહેનાત હોવાથી ગાઝીપુર બોર્ડર કિલ્લામાં ફેરવાઈ ગઈ છે. ગાઝીપુર આસપાસ ઈન્ટરનેટ સેવા પણ બંધ કરી દેવામાં આવી છે. 

અહીં પ્રદર્શન કરી રહેલા ખેડૂતને મળવા પહોંચેલા વિપક્ષને દિલ્હી પોલીસે રોક્યા. પોલીસે નેતાઓને ખેડૂતને મળવા દીધા નહોંતા. આ બાદ વિપક્ષી દળોના નેતાઓને પાછા ફરવું પડ્યું. પોલીસ વિપક્ષી દળોના નેતાઓને ત્યાંથી બીજી જગ્યાએ લઈ ગઈ. વિપક્ષી દળોના નેતાઓ ટીએમસી નેતા સૌગત રોય, શિરોમણી અકાળી દળના હરસિમરત કૌર બાદલ, એનસીપીના સાંસદ સુપ્રિયા સુલે, ડીએમકેના એમ કનિમોઈ પણ સામેલ છે