મિલકત / ફોર્બ્સની ભારતીય યાદીમાં મુકેશ અંબાણી સૌથી ધનિક વ્યકિત, બીજા સ્થાને ડીમાર્ટના સ્થાપક

જ્યાં એક તરફ તેમના બિઝનેસ પહેલાથી સુસ્થ અર્થવ્યવસ્થાનો સામનો કરી રહ્યા હતા, ત્યારે હવે લૉકડાઉનને કારણે તેના પર વધારે અસર થઇ છે. આ વચ્ચે રિલાયન્સ ઇન્ડસ્ટ્રીઝ લિમિટેડના અધ્યક્ષ મુકેશ અંબાણી આ યાદીમાં ટૉપ પર છે, તેઓ ભારતના સૌથી આમિર વ્યકિતની સાથે સાથે એશિયાના સૌથી ધનિક બિઝનેસમેન બની ગયા છે. 

ભારતીય અબજોપિતની કુલ સંખ્યા ગત વર્ષે 106ની સરખામણીએ ઘટીને 102 રહી ગઇ છે. આ સાથે જ સંપત્તિમાં 23 % ઘટાડોની સાથે 313 અબજ ડૉલર જ રહી ગઇ છે. આ ઘટાડાના લગભગ 5મા ભાગ માટે ટેક ટાયકૂન અઝીમ પ્રેમજીની ઉદારતાને જવાબદાર ગણવવામાં આવી છે, જેમણે પોતાના ભાગની એક મોટી રાશિ વિપ્રોમાં દાન કરી દીધી છે. તો રિટેલિંગ ટાયકૂન અને ડી માર્ટ સુપરમાર્કેટ ચેનના માલિક રાધાકિશન દામનીની સંપત્તિમાં વધારો થયો છે. તેમની સંપત્તિ વધીને 13.8 બિલિયન ડૉલર થઇ ગઇ છે. તેમની સંપત્તિમાં વધારો થયો છે કે તેઓ ધનિક વ્યકિતની યાદીમાં બીજા નંબર પર આવી ગયા છે. 

ઑઇલથી લઇને ગેસના બિઝનેસ અને ટેલિકૉમ સેક્ટરમાં પોતાની પ્રભુત્વ જમાવનારા RIL અધ્યક્ષ મુકેશ અંબાણીની સંપત્તિ 36.8  અબજની સાથે દેશના સૌથી ધનિક વ્યકિત છે, તેમની સંપત્તિમાં એક વર્ષની સરખામણીમાં 13.2 અબજ ડૉલરનો ઘટાડો થયો છે. 

આ યાદીમાં દેશના ટૉપ 10 અબજોપતિની યાદીમાં શિવ નડારા ત્રીજા સ્થાન પર છે જેમની સંપત્તિ 11.9 અબજ ડૉલર છે. તો ચોથા સ્થાન પર ઉદય કોટક છે જેમની સંપત્તિ 10.4 અબજ ડૉલર છે. પાંચમા સ્થાન પર 8.9 અબજ ડૉલરની સંપત્તિની સાથે ગૌતમ અદાણી છે. આ યાદીમાં સુનીલ મિત્તલ છે જેમની સંપત્તિ 8.8 અબજ ડૉલર છે અને સાતમાં સ્થાન પર સાયરસ પૂનાવાલા છે જેમની સંપત્તિ 8.2 અબજ ડૉલર છે. 

આઠમા સ્થાન પર કુમાર બિરલા, નવમા સ્થાન પર લક્ષ્મી મિત્તલ અને 10 સ્થાન પર અઝીમ પ્રેમજી છે જેમની અનુક્રમે સંપત્તિ 7.6 અબજ ડૉલર, 7.4 અબજ ડૉલર  અને 6.1 અબજ ડૉલર છે.