લોકસભા પહેલા લોકમત / લોકપ્રિય PMની બાજી જીતી ગયા મોદી ! લોકોએ ગણાવ્યાં અત્યાર સુધીના નંબર વન, નેહરુ ઘણા પાછળ

• પીએમ મોદીની લોકપ્રિયતા અકબંધ
• સર્વેમાં બન્યાં અત્યાર સુધીના લોકપ્રિય પીએમ
• બીજા નંબરે ઈન્દીરા ગાંધી, નહેરુ તો ઘણા પાછળ 

લોકપ્રિયતા મામલે પીએમ મોદી અત્યાર સુધીના પ્રધાનમંત્રીઓ કરતાં નંબર વન રહ્યાં છે. મૂડ ઓફ ધ નેશનના સર્વે અનુસાર, પીએમ મોદી અત્યાર સુધીના સૌથી લોકપ્રિય વડાપ્રધાન છે. 43 ટકા લોકોએ તેમને પોતાની પહેલી પસંદ ગણાવ્યાં છે. 

52 ટકા લોકો મોદીને ત્રીજી વાર પીએમ જોવા માગે છે 
પીએમ મોદીની લોકપ્રિયતા અકબંધ છે. 52 ટકા લોકો વડાપ્રધાન નરેન્દ્ર મોદીને ત્રીજી વખત પીએમ તરીકે જોવા માંગે છે. 63 ટકા લોકો વડાપ્રધાન તરીકે નરેન્દ્ર મોદીના પ્રદર્શનથી સંતુષ્ટ છે. 

બીજા અને ત્રીજા લોકપ્રિય પીએમ કોણ 
સર્વે અનુસાર પૂર્વ વડાપ્રધાન ઇન્દિરા ગાંધી બીજા નંબરના સૌથી લોકપ્રિય વડાપ્રધાન છે. તેમને 15 ટકા વોટ મળ્યા હતા. જ્યારે લોકપ્રિયતાના ત્રીજા સ્થાને પૂર્વ વડાપ્રધાન અટલ બિહારી વાજપેયીનું નામ આવે છે. સર્વેમાં પૂર્વ પીએમ અટલ બિહારી વાજપેયીને 12 ટકા વોટ મળ્યા હતા. દેશના પહેલા વડાપ્રધાન જવાહરલાલ નહેરુ લોકપ્રિયતાના મામલે પીએમ મોદીથી ઘણા પાછળ રહી ગયા છે. આ સર્વેમાં નેહરૂને છ ટકા લોકોએ સૌથી લોકપ્રિય વડાપ્રધાન ગણાવ્યા છે.

ઈન્ડીયા ગઠબંધન મોદીને નહીં હરાવી શકે-54 ટકા લોકોનો મત  
મૂડ ઓફ ધ નેશન પોલમાં પૂછવામાં આવ્યું હતું કે શું ઈન્ડીયા ગઠબંધન મોદીને હરાવી શકે છે? જવાબમાં 33 ટકા લોકોએ હા પાડી છે, જ્યારે 54 ટકા લોકોએ ના પાડી છે. વિપક્ષ તરીકે કોંગ્રેસની ભૂમિકા શું રહી? આ સવાલના જવાબમાં  43 ટકા લોકોએ સારું, 17 ટકાએ મધ્યમ અને 32 ટકા લોકોએ નકામું કહ્યું. આ સાથે જ જ્યારે તેમને પૂછવામાં આવ્યું કે શું ગાંધી પરિવાર વગર કોંગ્રેસ ગઠબંધનનું પ્રદર્શન સુધરશે? આના પર 49 ટકા લોકોએ હા તો 34 ટકા લોકોએ ના પાડી દીધી.
કોંગ્રેસને કોણ પુનર્જીવિત કરી શકે? તે સવાલના જવાબમાં  32 ટકા લોકોએ રાહુલ ગાંધીનું નામ, 12 ટકા લોકોએ સચિન પાયલટનું, 9 ટકાએ પ્રિયંકા ગાંધીનું અને 34 ટકા લોકો ખડગેનું નામ આપ્યું હતું. 

આજે ચૂંટણી થઈ તો કોને કેટલી બેઠકો 
આજે ચૂંટણી થાય તો એનડીએને 306, ઈન્ડીયા ગઠબંધનને 193 અને બીજાને 44 બેઠકો મળશે.