BIG NEWS / આજે વિકરાળ રૂપ લેશે 'Mocha', ગુજરાત પર પડશે વિપરીત અસર, અમુક રાજ્યોમાં વરસાદની આગાહી

• ચક્રવાત 'મોચા' આજે ગંભીર ચક્રવાતી તોફાનમાં ફેરવાઈ શકે છે
• ગુજરાતમાં વિપરીત રહેશે ચક્રવાત 'મોચા'ની અસર 
• આ રાજ્યોમાં વરસાદની શક્યતા 

હવામાન વિભાગના જણાવ્યા અનુસાર ચક્રવાત 'મોચા' ઝડપથી વધી રહ્યું છે અને આજે એટલે કે શુક્રવારે તે ગંભીર ચક્રવાતી તોફાનમાં ફેરવાઈ શકે છે. પરિણામે 135 કિલોમીટર પ્રતિ કલાકની ઝડપે પવન પણ ફૂંકાઈ શકે છે અને તે બાંગ્લાદેશ-મ્યાનમારના દરિયાકાંઠા તરફ આગળ વધે તેવી શક્યતા છે. જાણો આજે કેવું રહેશે હવામાન...

દિલ્હીમાં ગરમી વધવાની સંભાવના
ચક્રવાત 'મોચા'ના ભણકારા વચ્ચે શુક્રવારે દિલ્હીમાં ગરમી વધવાની સંભાવના છે અને તાપમાન 40 ડિગ્રી સેલ્સિયસને પાર કરી શકે છે. ભારતીય હવામાન વિભાગે આ માહિતી આપી છે. રાષ્ટ્રીય રાજધાનીમાં દિવસ દરમિયાન સ્વચ્છ આકાશ રહેવાની આગાહી કરી છે અને વરસાદની શક્યતા ઓછી છે.

ગુજરાતમાં વિપરીત રહેશે ચક્રવાત 'મોચા'ની અસર 
ગુજરાતના મોટાભાગના ભાગોમાં હીટ વેવની સ્થિતિ પ્રવર્તી રહી હતી અને રાજ્યના ઉત્તરીય પ્રદેશમાં પાટણ ગુરુવારે મહત્તમ તાપમાન 45.4 ડિગ્રી સેલ્સિયસ સાથે સૌથી ગરમ હતું. ભારતીય હવામાન વિભાગ (IMD) એ જણાવ્યું હતું. હવામાન વિભાગના અધિકારીઓએ જણાવ્યું કે 13 મે પછી લોકોને ગરમીથી થોડી રાહત મળે તેવી શક્યતા છે. આ સાથે જ ચક્રવાત 'મોચા'ના ભણકારા વચ્ચે સૌરાષ્ટ્ર અને કચ્છના થોડા ભાગોમાં ભારે લૂ પડી શકે છે. 

#WeatherUpdate | Today, #heatwave conditions may grip #Bihar, #WestBengal, #Gujarat, #Rajasthan and #Maharashtra amid #CycloneMocha's intensification.

Thunderstorms with lightning may lash isolated places over Kerala, Odisha and Karnataka.

Full forecast: https://t.co/3EvwuO7Izu pic.twitter.com/WNxUEH5Ohf

— The Weather Channel India (@weatherindia) May 12, 2023

આ રાજ્યોમાં વરસાદની શક્યતા 
અંદમાન અને નિકોબાર ટાપુઓ પર થોડો ભારે વરસાદ સાથે હળવાથી મધ્યમ વરસાદની શક્યતા છે. બીજી તરફ અંદમાન સમુદ્ર અને બંગાળની ખાડીના મધ્ય ભાગોમાં આજે અને આવતીકાલે દરિયાની સ્થિતિ ખૂબ જ ખરાબ રહેવાની શક્યતા છે. મોજા ઊંચા ઊછળી શકે છે અને પવનની ઝડપ લગભગ 70 થી 80 કિમી પ્રતિ કલાકથી 90કિમી પ્રતિ કલાક સુધી ફૂંકાઈ શકે છે. દક્ષિણ કર્ણાટક, કેરળ અને ઉત્તરપૂર્વ ભારતમાં છૂટાછવાયા હળવાથી મધ્યમ વરસાદ પડી શકે છે. આંધ્રપ્રદેશ, તમિલનાડુ અને લક્ષદ્વીપમાં હળવો વરસાદ થઈ શકે છે.

આ રાજ્યોમાં બગડશે હાલત 
ઓડિશા અને પશ્ચિમ બંગાળનો ભારતીય દરિયાકિનારો આ ચક્રવાતથી સુરક્ષિત અંતરે હશે અને જમીન પર કોઈ નુકસાનકારક હવામાન પ્રવૃત્તિની અપેક્ષા નથી. જો કે, આ રાજ્યોના દરિયાકાંઠે દરિયાની સ્થિતિ ખૂબ જ ખરાબ રહેશે. ભૂપ્રદેશ સાથે અથડાયા બાદ નબળું પડેલું વાવાઝોડું 14 અને 15 મે 2023ના રોજ ત્રિપુરા અને મિઝોરમમાં ભારે વરસાદનું કારણ બની શકે છે.