તમારા કામનું / શું તમારા મોબાઇલમાં આવ્યા સાયરન જેવા એલર્ટ મેસેજ, ગભરાશો નહીં!, સરકારે મોકલ્યા જાણો કેમ

• જો તમારા ફોન પર પણ આવો કોઈ મેસેજ આવ્યો હોય તો ગભરાવાની જરૂર નથી
• ભારત સરકાર દ્વારા અનેક સ્માર્ટફોન પર મોકલાયો મેસેજ
• સંદેશ મામલે કોઈ કાર્યવાહી કરવાની જરૂર નથી

ડિપાર્ટમેન્ટ ઓફ ટેલિકોમ્યુનિકેશનની સેલ બ્રોડકાસ્ટિંગ સિસ્ટમ  દ્વારા થોડા સમયથી મોબાઈલમાં મેસેજ મારફતે ટેસ્ટિંગ કરાઈ રહ્યું છે. આ પ્રયોગ થકી સરકાર સુરક્ષાને વધારવાનો પ્રયાસ કરી રહી છે. આજે બપોરે બાદ ઘણા લોકોને આવા મેસેજ ગયા હતા. ઇમર્જન્સીની સ્થિતિમાં આ મેસેજથી એલર્ટ કરાશે. ભારત સરકાર નેશનલ ડિઝાસ્ટર મેનેજમેન્ટ ઓથોરિટીની સાથે મળીને કામ કરી રહી છે. જો તમને હાલમાં જ આ મેસેજ આવ્યો છે તો તમારે હાલ ચિંતા કરવાની જરૂર નથી. સુનામી, ભૂકંપ અને પૂર જેવી સ્થિતિમાં સરકાર તમને આ પ્રકારે મેસેજ કરીને અગાઉથી જ ચેતવણી આપશે

સંદેશ મામલે કોઈ કાર્યવાહી કરવાની જરૂર નથી. 
જો તમારા ફોન પર પણ આવો કોઈ મેસેજ આવ્યો હોય તો ગભરાવાની જરૂર નથી. ટેલિકોમ્યુનિકેશન વિભાગ દ્વારા આ એક ચેતવણી સંદેશ મોકલાયો છે. એક્સ્ટ્રીમના નામે એલર્ટ મેસેજ મોકલાઈ રહ્યા છે. જે મેસેજમાં કરાયેલ ઉલ્લેખ અનુસાર આ એક સેમ્પલ ટેસ્ટિંગ મેસેજ છે, જે ડિપાર્ટમેન્ટ ઓફ ટેલિકોમ્યુનિકેશનની સેલ બ્રોડકાસ્ટિંગ સિસ્ટમ દ્વારા મોકલવામાં આવ્યો છે. સંદેશ મામલે કોઈ કાર્યવાહી કરવાની જરૂર નથી. 

ઇમર્જન્સી સ્થિતિ સમયે એલર્ટ કરવાનો ઉદ્દેશ
બ્રોડકાસ્ટિંગ સિસ્ટમના માધ્યમથી મોકલાતો આ સંદેશ સેમ્પલ પરીક્ષણ સંદેશ હોવાથી તેને  ગંભીરતાથી લેવાની જરૂર નથી. કે તમારે એલર્ટ થવાની જરૂર નથી. સરકારનો ઉદ્દેશ સાર્વજનિક સુરક્ષા વધારવા અને ઇમર્જન્સી સ્થિતિ સમયે એલર્ટ કરવા માટે છે.