- સોશ્યલ મીડિયા પર એક વિડીયો વાયરલ થયો છે
- આ વાયરલ વિડીયો યુપી મથુરાનો છે એવું સામે આવ્યું છે
દેશના ઘણા હિસ્સામાં મુશળધાર વરસાદ વરસી રહ્યો છે અને ઘણી જગ્યાઓ પર પૂર જેવી પરિસ્થિતિ પણ આવી ગઈ છે. એવામાં દરોરોજ સોશ્યલ મીડિયા પર વરસાદના અને વરસાદ પડ્યા બાદ સર્જાતી તારાજી અનેક વિડીયો વાયરલ થતાં રહે છે. વરસાદને કારણે ભરાતા પાણીને લીધે લોકોને અવરજવર કરવામાં ઘણી મુશ્કેલીઓનો સામનો કરવો પડી રહ્યો છે. એવામાં આ વખતે સોશ્યલ મીડિયા પર એક એવો જ વિડીયો વાયરલ થયો છે જેને જોઈને લોકોને દયા પણ આવે છે અને ગુસ્સો પણ.
આ વાયરલ થતો વિડીયો યુપી મથુરાનો છે એવું સામે આવ્યું છે. વિડીયોમાં જોઈ શકાય છે કે એક સ્કૂલની બહાર વરસાદને કારણે ઘણું પાણી ભરાઈ ગયું છે. અંદર બહાર આવવા-જવા માટે પાણીમાંથી ચાલીને જવા સિવાય બીજો કોઈ રસ્તો નથી. એવામાં એક શિક્ષિકાએ વિદ્યાર્થીઓ પાસે ખુરશીનો પુલ બનાવે છે અને તેને પાર કરીને શાળાની અંદર પંહોચે છે.
હાલ આ વિડીયો સોશ્યલ મીડિયા પર ખૂબ જ વાયરલ થઈ રહ્યો છે. આ વિડીયોને લઈને શિક્ષા વિભાગે તુરંત ઠોસ કદમ ઉઠાવ્યા અને એ શિક્ષિકાને તુરંત જ નીલંબિત કરી દેવામાં આવ્યા છે . આ કિસ્સો મથુરા જિલ્લાના બલદેવ વિકાસ ખંડના પ્રાથમિક શાળાનો છે. જ્યાં વરસાદ પછી સ્કૂલની બહાર પાણી ભરાઈ ગયા હતા અને સ્કૂલમાં આવવા-જવા માટે પાણીમાંથી જ પસાર થવું પડે તેવી પરિસ્થિતિ ઊભી થઈ હતી. એટલા માટે ત્યાંના એક શિક્ષિકાએ આવું પગલું ઉઠાવ્યું હતું.
જો કે એ શિક્ષિકાપાસે આવું કરવાની પાછળનું કારણ પૂછવામાં આવ્યું ત્યારે એમણે કહ્યું હતું કે ડોક્ટરે એમણે પાણીથી બચવાની સલાહ આપી હતી અને એટલા માટે એમને સ્કૂલમાં પંહોચવા માટે આ રસ્તો અપનાવ્યો હતો. નિવેદન બાદ શિક્ષિકાએ લોકો પાસે માફી પણ માંગી હતી.
