રાજનીતિ / ભગતસિંહ કોશ્યારીને ન રહ્યો રાજ્યપાલમાં રસ, PM મોદીને પત્ર લખીને કહ્યું- જવાની રજા આપો

• ભગતસિંહ કોશ્યારીને ન રહ્યો રાજ્યપાલના હોદ્દામાં રસ
• રાજ્યપાલનો હોદ્દો છોડવાની વ્યક્ત કરી ઈચ્છા
• કહ્યું- પીએમ મોદીને કહી રાખ્યું છે 

ભગતસિંહ કોશ્યારીએ મહારાષ્ટ્રના રાજ્યપાલ પદેથી રાજીનામું આપવાની ઈચ્છા વ્યક્ત કરી છે. રાજ્યપાલ ભગતસિંહ કોશ્યારીએ કહ્યું કે મેં પ્રધાનમંત્રીને વિનંતી કરી હતી કે મને તમામ પ્રકારની રાજકીય જવાબદારીઓમાંથી મુક્ત કરવામાં આવે. રાજ્યપાલે કહ્યું કે તેમણે વડા પ્રધાન નરેન્દ્ર મોદીને તેમની તાજેતરની મુંબઈ મુલાકાત દરમિયાન રાજકીય જવાબદારીઓમાંથી પદ છોડવાની ઇચ્છા વ્યક્ત કરી હતી.

During the recent visit of the Hon'ble Prime Minister to Mumbai, I have conveyed to him my desire to be discharged of all political responsibilities and to spend the remainder of my life in reading, writing and other activities.

— Governor of Maharashtra (@maha_governor) January 23, 2023

બાકીનું જીવન વાંચન, લેખનમાં પસાર કરવા માગે છે 
રાજભવન દ્વારા બહાર પાડવામાં આવેલા એક નિવેદનમાં કહેવામાં આવ્યું છે કે, "રાજ્યપાલ કોશ્યારીએ પોતાનું બાકીનું જીવન વાંચન, લેખન અને અન્ય નવરાશની પ્રવૃત્તિઓ પસાર કરવાની ઇચ્છા વ્યક્ત કરી છે. કોશ્યારીએ કહ્યું કે છેલ્લાં ત્રણ વર્ષમાં મહારાષ્ટ્રના લોકો તરફથી મને જે પ્રેમ અને સ્નેહ મળ્યો છે તે હું ક્યારેય ભૂલી શકું તેમ નથી. મને હંમેશાં માનનીય વડા પ્રધાન તરફથી પ્રેમ અને સ્નેહ મળ્યો છે. 

I have always received the love and affection from the Hon’ble Prime Minister and I hope to receive the same in this regard.

— Governor of Maharashtra (@maha_governor) January 23, 2023

અવનવા નિવેદનો આપીને જગાવી હતી ચર્ચા 
ઉલ્લેખનીય છે કે મહારાષ્ટ્રના રાજ્યપાલ ભગત સિંહ કોશ્યારી ઘણા નિવેદનોને લઈને ચર્ચામાં રહ્યા છે. વિપક્ષે પણ તેમના પર પક્ષપાતનો આરોપ લગાવ્યો છે. તાજેતરમાં તેમણે છત્રપતિ શિવાજી મહારાજ વિશે નિવેદન આપ્યું હતું. જે બાદ વિપક્ષ તેમજ રાજ્ય સરકારના ઘણા નેતાઓએ તેમની ટીકા કરી હતી. રાજ્યપાલ કોશ્યારીએ ગયા વર્ષે નવેમ્બરમાં કહ્યું હતું કે છત્રપતિ શિવાજી મહારાજ જુના જમાનાના આઈકોન હતા. તેમણે બાબાસાહેબ આંબેડકર અને કેન્દ્રીય પ્રધાન નીતિન ગડકરીને તેમના આદર્શ ગણાવ્યાં હતા. તેમના આ નિવેદન પર મોટો વિવાદ થયો હતો અને નેતાઓ ઉકળી પડ્યાં હતા.