પૂજા વિધી / મહાશિવરાત્રિએ ભૂલથી પણ શિવજી પર ન ચઢાવો આ વસ્તુઓ, જાણો કેવી રીતે કરશો પૂજા

• મહાશિવરાત્રિએ કેવી રીતે કરશો અભિષેક
• મહાદેવને રીઝવવા કરો રુદ્રાભિષેક
• શિવજીને પૂજા અર્ચનાનું ખાસ મહત્વ

મહાશિવરાત્રિ એટલે શિવજીને રીઝવવાનો દિવસ. આ દિવસનું હિંદુ ધર્મમાં ખાસ મહત્વ હોય છે. આમ તો દર મહિનાની ચતુર્દશી તિથિ ભગવાન શિવને સમર્પિત છે. પરંતુ ફાગણ મહિનાની મહાશિવરાત્રીના દિવસે શિવની વિશેષ પૂજા કરવામાં આવે છે. આ વર્ષે મહા શિવરાત્રી  01 માર્ચે ઉજવવામાં આવશે. આ દિવસે રૂદ્રાભિષેક કરવાથી મનોકામનાઓ પૂર્ણ થાય છે. તેમજ શિવલિંગ પર વિશેષ વસ્તુઓ ચઢાવવાથી રોગો દૂર થાય છે.  પરંતુ મહાશિવરાત્રિ પર શિવલિંગ પર કઈ વસ્તુઓ ચઢાવી ન જોઇએ, તે વિશે આવો જાણીએ.

શિવલિંગ પર આ વસ્તુ  ભૂલથી ન ચઢાવો

•  તુલસીના પાન ન ચઢાવવા જોઈએ
• પેશ્ચરાઇઝ્ડ પેકેટનું દૂધ ન ચઢાવવું જોઈએ
• ચંપાનું ફૂલ ન ચઢાવો 
•  તૂટેલા ચોખા ન ચઢાવવા જોઈએ
• ફાટેલા કે તૂટેલા બિલીના પાન ન ચઢાવવા જોઈએ
•  કુમકુમ તિલક લગાવવું વર્જિત

મહાશિવરાત્રીએ આ રીતે કરો અભિષેક 

શાસ્ત્રો અનુસાર સૌથી પહેલા શિવલિંગ પર પંચામૃત ચઢાવવું જોઈએ. પંચામૃતમાં દૂધ, ગંગાજળ, કેસર, મધ અને પાણી ભેળવવામાં આવે છે.. મહાશિવરાત્રિ પર ચાર પ્રહરની પૂજા કરનારાઓએ પ્રથમ પ્રહરમાં જળ, બીજા પ્રહરમાં દહીં, ત્રીજા પ્રહરમાં ઘી અને ચોથા પ્રહરમાં મધનો અભિષેક કરવો જોઈએ.

મહા શિવરાત્રી શુભ મુહૂર્ત 2022
આ વખતે મહાશિવરાત્રિની શુભ તિથિ 1 માર્ચ, મંગળવારના રોજ સવારે 3.16 વાગ્યાથી શરૂ થશે. જ્યારે ચતુર્દશી તિથિની સમાપ્તિ 2જી માર્ચ, બુધવારે સવારે 10 વાગ્યે થશે.