જનસંબોધન / કોઈ ગરીબ ભૂખ્યાં પેટે ન સૂવે...: મિશન મધ્ય પ્રદેશ પર PM મોદી, કોંગ્રેસ પર કર્યા આકરાં પ્રહાર

• મધ્યપ્રદેશમાં PMએ મંદિર-સહ-સ્મારકની આધારશિલા મૂકી
• જનસંબોધન દરમિયાન ભાજપ સરકારની વિચારસરણીની વાત કરી
• કોંગ્રેસ સરકાર અને શાસનકાળ પર સાધ્યું નિશાન

આ વર્ષનાં અંતમાં મધ્યપ્રદેશમાં વિધાનસભાની ચૂંટણીઓ થવા જઈ રહી છે. ત્યારે આજે PM મોદીએ મધ્યપ્રદેશનાં સાગર જિલ્લામાં કવિ અને સમાજ સુધારક સંત રવિદાસને સમર્પિત મંદિર-સહ-સ્મારકની આધારશિલા મૂકી. જનસંબોધન દરમિયાન તેમણે કોંગ્રેસ પર પ્રહાર કર્યાં.

मध्य प्रदेश के सागर में संत रविदास जी के मंदिर तथा स्मारक के भूमिपूजन एवं अन्य विकास कार्यों के लिए राज्य के लोगों को कोटि-कोटि शुभकामनाएं। https://t.co/L8Iil0Fmc6

— Narendra Modi (@narendramodi) August 12, 2023

કોંગ્રેસ પર સાધ્યું નિશાન
PM મોદીએ કોંગ્રેસનું નામ લીધા વિના કહ્યું કે," પહેલાની સરકારમાં જે યોજનાઓ આવતી હતી તે ચૂંટણીનાં વાતાવરણનાં હિસાબે લાવવામાં આવતી હતી પરંતુ અમારી વિચારસરણી છે કે અમે મહિલા, દલિત અને આદિવાસીઓ સાથે હંમેશા ઊભા રહીએ." તેમણે કહ્યું કે," કોવિડ મહામારી દરમિયાન મેં નક્કી કર્યું હતું કે ગરીબોને ભૂખ્યા નહીં સૂવા દઉં. તમારી પીડા સમજવા માટે મને પુસ્તકો શોધવાની જરૂર નથી. અમે પ્રધાનમંત્રી ગરીબ કલ્યાણ અન્ન યોજના શરૂ કરી જેમાં 80 કરોડથી વધારે લોકોને મફતમાં રાશનની સુવિધા ફાળવવામાં આવી હતી. આજે સમગ્ર દુનિયા આપણાં કામનાં વખાણ કરે છે."

ભાષણ દરમિયાન સંત રવિદાસનો ઉલ્લેખ કર્યો
PM મોદીએ સંત રવિદાસનો ઉલ્લેખ કરતાં કહ્યું કે," તેમણે તે કાળખંડમાં જન્મ લીધો હતો જ્યારે દેશ પર મુઘલોનું શાસન હતું. સમાજ અસ્થિરતા, ઉત્પીડન અને અત્યાચારનો સામનો કરી રહ્યાં હતાં. તે સમયે રવિદાસજીએ સમાજને જગાડ્યું હતું." તેમણે દાવો કર્યો કે આજે દેશનો દલિત હોય, વંચિત હોય કે આદિવાસી હોય, અમારી સરકાર તેમને યોગ્ય સમ્માન અને અવસર આપી રહી છે. આ સમાજનાં લોકો ન તો કમજોર છે અને ન તો તેમનો ઈતિહાસ કમજોર છે.