તમારા કામનું / ખોવાઈ કે ફાટી ગઈ છે ધો.10-12ની માર્કશીટ? તો આ રીતે ઘરે બેઠા મંગાવો, બૉર્ડ આપે છે સુવિધા

• ધોરણ 10 કે 12 માર્કશીટ ખોવાઈ છે? તો ચિંતા ન કરતાં
• જિટાઇઝેશનના જમાનામાં ઘરે બેઠા બેઠા ડુપ્લિકેટ માર્કશીટ મેળવો 
• ધોરણ 10 કે 12 ની ડુપ્લિકેટ માર્કશીટ આ રીતે મેળવો 

ક્યાંય પણ નોકરી કરવા માટે ત્યાં આપણે ધોરણ 10 અને ધોરણ 12 ની માર્કશીટ આપવી પડે છે અને એ સિવાય પણ આ માર્કશીટનું મહત્વ કેટલું છે?એ વિશે આપણે બધા જાણીએ છીએ.  એવામાં જો ભૂલથી પણ તમારી આ ધોરણ 10 કે 12 ની માર્કશીટ ખોવાઈ ગઈ હશે તો નોકરી મેળવવામાં ઘણી મુશ્કેલીનો સામનો કરવો પડી શકે છે. એવામાં જો તમારી માર્કશીટ ખોવાઈ છે અને તમે પણ મૂંઝવણમાં મુકાયા છો તો આ સમાચાર તમારા કામના છે. આજના આ આર્ટીકલમાં અમે તમને જણાવશું કે GSEBની SSC and HSC ડુપ્લિકેટ માર્કશીટ કેવી રીતે મેળવી શકાય છે.. 

આની શરૂઆત શિક્ષણ મંત્રી ભુપેન્દ્રસિંહ ચુડાસમાએ કરી હતી
જો કે પહેલા SSC and HSC ડુપ્લિકેટ માર્કશીટ માટે ગાંધીનગરની મુલાકાત લેવી પડતી હતી પણ આ ડિજિટાઇઝેશનના જમાનામાં ઘરે બેઠા બેઠા તમે  SSC and HSC ડુપ્લિકેટ માર્કશીટ મેળવી શકો છો. તમન જણાવી દઈએ કે આ માટે તમારે સત્તાવાર વેબસાઇટ www.gsebeservice.com સાઈટની મુલાકાત લેવી પડશે. gsebeservice.com એ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) સાથે સંકળાયેલ વેબસાઇટ છે, જેમાં એ ધોરણ 10 ના વર્ષ 1952 થી વર્ષ 2020 અને ધોરણ 12 ના વર્ષ 1976 થી વર્ષ 2019 સુધીના તમામ પરિણામના રેકોર્ડ્સ એકઠા કરેલા છે. જાણકારી માટે જણાવી દઈએ કે આ GSEB SSC and HSC Duplicate Marksheet Download Online પ્રક્રિયાની શરૂઆત શિક્ષણ મંત્રી શ્રી ભુપેન્દ્રસિંહ ચુડાસમાએ કરી હતી. 

ધોરણ 10 કે 12 ની ડુપ્લિકેટ માર્કશીટ આ રીતે મેળવો 
આ માટે સૌ પ્રથમ gsebeservice.com વેબસાઇટની મુલાકાત લેવી
આ પછી વેબસાઇટ પર રજીસ્ટર કરવા માટે જરૂરી વિગત અને મોબાઈલ નંબર ઉમેરો 
રજીસ્ટર મોબાઈલ નંબર પર આવેલ OTP ઉમેરીને રજીસ્ટ્રેશનની પ્રક્રિયા પૂરી કરો 
એ પછી વેબસાઇટમાં  મેનુ વિભાગમાં Students Tab પર ક્લિક કરીને તેમાં Online service ટેબ ખોલો 
આ પછી જો તમે જે ધોરણની ડુપ્લિકેટ માર્કશીટ મેળવવા માંગતા હોય તે શોધી તેના પર ક્લિક કરીને સબમિટ કરો 
આ રીતે ડુપ્લિકેટ માર્કશીટ માટે અરજી કરો.

જણાવી દઈએ કે ડુપ્લિકેટ માર્કશીટ પ્રમાણપત્ર ફી રૂ. 50, સ્થળાંતર ફી રૂ. 100 અને સમકક્ષ પ્રમાણપત્ર ફી રૂ. 200 સ્પીડ-પોસ્ટ ચાર્જ રૂ. 50 છે.