Lok Sabha Election 2024 / હાર-જીત છોડો! PM મોદીએ મંત્રીઓને 5 વર્ષનો રોડમેપ તૈયાર કરવા કર્યા આદેશ, માગ્યો પ્લાન

વડાપ્રધાન મોદી લોકસભા ચૂંટણીમાં જીતને લઈને સંપૂર્ણ વિશ્વાસ ધરાવે છે. તેમણે પોતાના મંત્રીઓને નવી સરકારના આગામી 100 દિવસનો એજન્ડા પણ પૂછ્યો છે. કેબિનેટની બેઠકમાં વડાપ્રધાને મંત્રીઓ અને નેતાઓને આગામી 5 વર્ષનો રોડમેપ તૈયાર કરવા કહ્યું છે. સૂત્રોનું માનીએ તો બેઠકમાં પીએમ મોદી આગામી લોકસભા ચૂંટણીમાં જીતનો વિશ્વાસ વ્યક્ત કરતા દેખાયા હતા. તેમણે બેઠકમાં મંત્રીઓને આગામી સરકારમાં કામ પર ધ્યાન કેન્દ્રિત કરવા સૂચના આપી હતી.

PM મોદીની મંત્રીઓને સૂચના

સૂત્રોના જણાવ્યા અનુસાર વડાપ્રધાન નરેન્દ્ર મોદીએ રવિવારે મંત્રીઓને નવી સરકાર માટે પ્રથમ 100 દિવસ અને આગામી પાંચ વર્ષ માટેનો ડ્રાફ્ટ રોડમેપ તૈયાર કરવા જણાવ્યું હતું. રવિવારે સવારે કેબિનેટની બેઠકમાં પીએમ મોદીએ મંત્રીઓને પોતપોતાના મંત્રાલયના સચિવો અને અન્ય અધિકારીઓને મળવા અને ચર્ચા કરવા કહ્યું.

પાંચ વર્ષનો રોડમેપ તૈયાર કરવા જણાવ્યું

તેમણે મંત્રીઓને પૂછ્યું કે 100 દિવસ અને આગામી પાંચ વર્ષના એજન્ડાને વધુ સારી રીતે કેવી રીતે લાગુ કરી શકાય. ચૂંટણી પંચે લોકસભા ચૂંટણી 2024 માટે શેડ્યૂલ જાહેર કર્યાના એક દિવસ બાદ આ બેઠક થઈ છે. કેબિનેટે રાષ્ટ્રપતિ દ્રૌપદી મુર્મુને ચૂંટણી પંચની ભલામણ મોકલીને સાત તબક્કાની સંસદીય ચૂંટણીની તારીખો જાહેર કરવાની પ્રક્રિયા પણ શરૂ કરી હતી. તમને જણાવી દઈએ કે પ્રથમ તબક્કા હેઠળ 19 એપ્રિલે 102 બેઠકો પર મતદાન માટે પ્રથમ સૂચના 20 માર્ચે જારી કરવામાં આવશે. તે તબક્કા માટે નોમિનેશન પ્રક્રિયા નોટિફિકેશનના પ્રકાશન સાથે શરૂ થાય છે.

પીએમ મોદીનું ફોકસ કામ પર

3 માર્ચે વડા પ્રધાન મોદીની અધ્યક્ષતામાં મંત્રી પરિષદની બેઠકમાં 'વિકસિત ભારત: 2047' માટેના વિઝન પેપર અને આગામી પાંચ વર્ષ માટે વિગતવાર કાર્ય યોજના પર ચર્ચા કરવામાં આવી હતી. તે બેઠકમાં મે મહિનામાં નવી સરકારની રચના પછી તાત્કાલિક પગલાં લેવાના 100 દિવસના એજન્ડા અને તેના વહેલા અમલીકરણ અંગે ચર્ચા કરવામાં આવી હતી.

વધુ વાંચો : 'મોદી સરકાર લોકોને મોકલી રહી છે વોટ્સએપ મેસેજ, આ આચારસંહિતાનો ભંગ ન ગણાય'? કોંગ્રેસ 

'વિકસિત ભારત' માટે 'રોડમેપ'

ત્યારે સૂત્રોએ કહ્યું હતું કે 'વિકસિત ભારત' માટેનો 'રોડમેપ' બે વર્ષથી વધુ સમયની સઘન તૈયારીનું પરિણામ છે. સૂત્રોએ જણાવ્યું હતું કે તેમાં 'સમગ્ર સરકારી' અભિગમનો સમાવેશ થાય છે, જેમાં તમામ મંત્રાલયો અને રાજ્ય સરકારો, શિક્ષણવિદો, ઉદ્યોગ સંગઠનો, નાગરિક સમાજ, વૈજ્ઞાનિક સંગઠનો અને યુવાનોના સૂચનો સાથે વ્યાપક પરામર્શનો સમાવેશ થાય છે. આ સંદર્ભમાં એક અધિકારીએ કહ્યું હતું કે, 'વિવિધ સ્તરે 2,700 થી વધુ બેઠકો, વર્કશોપ અને સેમિનારનું આયોજન કરવામાં આવ્યું હતું. 20 લાખથી વધુ યુવાનો પાસેથી સૂચનો મળ્યા હતા.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો