મધ્યપ્રદેશ / ગામના આ કૂવામાંથી પાણીને બદલે નીકળ્યાં LED ટીવી અને કેમેરા, લોકોનું ટોળું જોવા ઉમટ્યું

• કૂવામાંથી એક પછી એક નીકળ્યાં થેલા 
• પોલીસે જમા કર્યો બધો સામાન 
• ચોરોએ છુપાવી હતી વસ્તુઓ 

પાણીની જગ્યાએ LED ટીવી, કેમેરો અને આધાર કાર્ડ નીકળ્યાં 

કુવો શબ્દ સાંભળીને સામાન્ય રીતે બધાંને પાણી જ યાદ આવે.તરસ છુપાવા માટે ઉવાનો ઉપયોગ થાય છે. કુવામાંથી પાણી કાઢી જીવનનિર્વાહ કરવામાં આવે છે પણ શું તમને ખબર છે મધ્યપ્રદેશમાં એક કૂવો એવો છે જે પાણીની જગ્યાએ LED ટીવી, કેમેરો અને આધાર કાર્ડ નીકળી રહ્યા છે. 

ચોરોએ પૂછપરછમાં આપી હતી માહિતી 

આ જાણી ને આશ્ચર્ય લાગશે. આવી જ રીતે મધ્યપ્રદેશ દમોહના લોકો પણ ખુબ અચંભામાં છે અને દૂર દૂરથી લોકો કૂવો જોવા આવી રહ્યા છે.આ કૂવામાંથી ટીવી કેમેરા અને આધાર કાર્ડ કાઢવામાં આવી રહ્યા છે આ ઘટના એવી છે કે જયારે પોલીસ ચોરો પર આશંકા રાખી એક કૂવાની તપાસ કરે છે તો તેમાંથી અઢળક થેલા મળી આવે છે. આ બધા બેગ જયારે ખોલવામાં આવે છે ત્યારે તેમાંથી LED ટીવી, કેમેરા, આધાર કાર્ડ અને અન્ય ઘણી ઈલેક્ટ્રોનિક વસ્તુઓ મળી આવી. 

ઘરેણાં અને પૈસા સિવાય બધું એક કૂવામાં ફેકી દેતાં 

પાછલા દિવસોમાં જયારે પોલીસે ત્રણ મોટી ચોરી બાદ ચોરોના એક ઝુંડને પકડ્યો તો તેમની પૂછપરછમાં જાણ થઇ કે જે સમાન તેમના કામનું ન હોય તેને તે લોકો એક કૂવામાં ફેંકી દે છે.જ્યારે પોલીસ તે કૂવા પાસે ગયી તો એક પછી એક ઘણા બેગ ત્યાંથી મળ્યા અને તે જોવા માટે ત્યાં ભીડ એકઠી થઇ ગયી. પોલીસે ઘણા બીજા સમાન પણ જમા કરી લીધા છે. ચાલક ચોરો ઘરેણા અને પૈસા સિવાય નધી જ વસ્તુઓ કૂવામાં ફેંકી દે છે.