લ્યો બોલો / બોલિવૂડનો ખાન સરનેમ હટાવી બની ગયો 'કુમાર', નિવેદનોના કારણે હંમેશા રહે છે વિવાદોમાં

• નામમાંથી ખાન સરનેમ હટાવી કુમાર સરનેમ કરી નાખી 
• આવું શા માટે કર્યું તેનું કારણ તો હજુ બહાર આવ્યું નથી

પોતાની સોશિયલ મીડિયા પોસ્ટ દ્વારા કમાલ આર ખાન સતત વિવાદોમાં રહે છે. એક્ટિંગ સિવાય તેમનું ફોકસ દરેક મોટી રિલીઝ ફિલ્મ પર હોય છે. એક્ટરથી ફિલ્મ ક્રિટીક બનેલ KRK  કેઆરકે તેના વિવાદિત નિવેદનને કારણે લોકો વચ્ચે હંમેશા ચર્ચાનો વિષય રહે છે. તેને બોલીવુડના કોઈ પણ સેલિબ્રિટી પર કટાક્ષ નહીં કર્યો હોય એવું શક્ય નથી. 

હાલમાં જ KRK એ તેના ઓફિશિયલ ટ્વિટર હેન્ડલ પર એક પોસ્ટ શેર કરી હતી અને એ પોસ્ટમાં તેને આમિર ખાનનું કરિયર ખતમ થઈ ગયું છે એવો દાવો કર્યો હતો. આ સાથે જ કેઆરકે એ શાહરુખ ખાનને પણ ચેતવણી આપી હતો. આમિર ખાનની ફિલ્મના ખરાબ પર્ફોમન્સ પછી KRK એ સલમાન અને શાહરુખ ખાનને જલ્દી ફિલ્મ રીલીઝ કરવા માટે કહ્યું હતું. આ પહેલાં પણ KRK એ ત્રણેય ખાન વિશે ઘણું ખરાબ બોલી ચુક્યો છે અને ઘણાં કટાક્ષ કરી ચુક્યો છે. 

Bhai Jaan @iamsrk Aaj #AamirKhan Ka Career khatam Kar Diya Gaya Hai. Bas Ab Aapki #Pathan Aur #Budhao Ki Film Ka wait hai. Aap Dono Bhi Jaldi Release Karo. Wait Nahi Ho Paa Raha Hai.🤪

— Kamal Rashid Kumar (@kamaalrkhan) August 11, 2022

ફિલ્મ લાલ સિંહ ચઢ્ઢાને ખરાબ રીતે ટ્રોલ કર્યા પછી હવે નવા કારણે KRK કમાલ આર ખાન ચર્ચાનો વિષય બન્યો છે. હાલમાં જ કમાલ આર ખાન KRK  એ તેના નામમાંથી ખાન સરનેમ હટાવી દીધી છે અને કુમાર સરનેમ જોડી દીધી છે. KRK એ તેના ટ્વિટર હેન્ડલનું નામ બદલી નાખ્યું છે અને કમાલ આર કુમાર કરી નાખ્યું છે. 

તેને ટ્વિટ કર્યું હતું કે, 'આજે હું મારા નામમાંથી ખાન હટાવી અને મારી પત્નીની સરનેમ કુમાર મારા નામ સાથે જોડવાનો નિર્ણય લઈ રહ્યો છું. મારી પત્નીનું નામ અનીતા કુમાર છે અને આજથી મારુ નામ કમાલ આર કુમાર Kamal Rashid Kumar છે.' 

Today I have decided to drop #Khan from my name and add my wife’s sir name #Kumar in my name. My wife name is #AnitaKumar. So now my name is #KamalRashidKumar!

— Kamal Rashid Kumar (@kamaalrkhan) August 20, 2022

જો કે KRK ના આ ટ્વિટ પર લોકોએ તેને ઘણો ટ્રોલ કર્યો હતો. KRK  એ આવું શા માટે કર્યું તેનું કારણ તો હજુ બહાર આવ્યું નથી. આ ઉપરાંત વાત કરી તો KRK  એ હાલ માં જ ટ્વિટ કરીને વિજય દેવરકોંડા પર નિશાનો સાધ્યો હતો. તેની આવનારી ફિલ્મ લાઈગરને લઈને તેને ટ્રોલ કર્યો હતો.