બોલિવુડમાં મોટાભાગના સ્ટાર કિડ્સ રોમેન્ટિક ફિલ્મોથી ડેબ્યૂ કરે છે. આ લિસ્ટમાં વધુ એક નામ જોડાઇ ગયુ છે અને તે છે ધમેન્દ્રનો પૌત્ર અને સની દેઓલનો દિકરો કરણ દેઓલ. ફિલ્મના ડિરેક્શનથી સની દેઓલે ડિરેક્ટર તરીકે બોલિવુડમાં ડેબ્યૂ કર્યુ. ઉલ્લેખનીય છે કે, સની દેઓલે પોતે પણ ફિલ્મ 'બેતાબ' થી બોલિવુડમાં એન્ટ્રી કરી હતી. સનીની પહેલી ફિલ્મ 'બેતાબ' ની જેમ જ કરણની પહેલી ફિલ્મ 'પલ પલ દિલ કે પાસ' માં પણ હિમાલયના સુંદર પહાડો જોવા મળશે.
સ્ટોરી:
ફિલ્મની વાર્તા છે એક વીડિયો બ્લોગર સહર સેઠી (સહર બાબાં) જે એક પર્વતારોહી કરણ સેહગલ (કરણ દેઓલ) સાથે ટ્રેકિંગ કરવા માટે નીકળે છે.કરણ એક ટ્રેકિંગ કંપની ચલાવે છે અને જ્યારે સહર દેશની સૌથી મોટી વીડિયો બ્લોગર છે જે ફેમિલીની સિશ્યૂએશનમાંથી બચવા માટે ટ્રેકિંગ કરવા માટે નીકળી જાય છે.કરણ સાથે ફરતા, લડતા-ઝઘડતા બંનેને એકબીજા સાથે પ્રેમ થઇ જાય છે. શું તેમની લવ સ્ટ્રોરીનો હેપ્પી એન્ડિંગ આવશે? તે માટે તમારે ફિલ્મ જોવી પડશે,
રિવ્યૂ:
ફિલ્મનો ફર્સ્ટ હાફમાં લીડ કેરેક્ટર્સની એકબીજા સાથેની ઓળખાણ અને લડવા ઝઘડવામાં નીકળી જાય છે. જોકે આ સાથે જ ફિલ્મમાં હિમાચલ પ્રદેશના સુંદર લોકેશન્સ બતાવવામાં આવ્યા છે જેને જોઇને ઓડિયન્સને પણ મજા પડી જશે. ફિલ્મની સિનેમેટોગ્રાફી સારી છે, પરંતુ લીડ કેરેક્ટર્સ ઓડિયન્સ સાથે કનેક્ટ કરી નથી શકતા. લીડ પેરની કેમેસ્ટ્રી મિસિંગ છે. ફિલ્મનું મ્યૂઝિક સારું છે. ક્લાઇમેક્સમાં ભરપૂર ડ્રામા છે તેમ છતાં ઓડિયન્સ પોતાને કનેક્ટ નહી કરી શકે. બધા જ જાણે છે કે સની દેઓલ એક સાધારણ અને પ્યોર લવસ્ટોરી બનાવવા માગંતો હતો પરંતુ લીડ કેરેક્ટર્સના કારણે તે શક્ય ના થયું.
એક્ટિંગ:
સહરનું કેરેક્ટર એક વીડિયો બ્લોગર અને ઉભરતી સિંગરનું છે જેમાં તેણે જસ્ટિસ આપ્યો નથી. કરણ સ્ક્રીન પર નેચરલ લાગે છે પરંતુ ડાયલોગ ડિલિવરીમાં ઘણો સુધારો કરવાની જરૂર છે. સહર કેમેરા સામે કોન્ફિડન્ટ અને પ્રોમિસિંગ લાગે છે. ઈમોશનલ સીન્સમાં તે સારી છે, પરંતુ કોમેડી સીન્સ માટે તેણે પોતાનું ટાઇમિંગ સુધારવુ પડશે.
ફિલ્મ જોવી કે નહી:
જો તમે દેઓલ ફેમિલીના ફેન્સ તો કરણના ડેબ્યૂ માટે ફિલ્મ જોઇ શકો છો.