કામની વાત / શું કંપનીએ ગ્રેચ્યુટી આપવાનો ઇનકાર કરી દીધો? તો જાણો ક્યાં અને કેવી રીતે કરી શકશો ફરિયાદ

Arohi

Last Updated: 05:12 PM, 10 January 2023

FOLLOW ON

શેર કરો

દરેક કામ કરનાર વ્યક્તિને કંપનીમાં સતત 5 વર્ષ કામ કર્યા બાદ ગ્રેચ્યુઇટીની સુવિધા મળે છે. જ્યારે તમે કંપની છોડો ત્યારે તે એમ્પ્લોયર દ્વારા ચૂકવવામાં આવે છે.

દરેક કર્મચારીઓનો હક છે ગ્રેચ્યુઈટીના પૈસા
સતત 5 વર્ષ કામ કર્યા બાદ મળે છે ગ્રેચ્યુઈટીની સુવિધા
કંપની છોડવા પર મળે છે ગ્રેચ્યુઈટીના પૈસા

ગ્રેચ્યુઈટી એક્ટ 1972ના નિયમ મુજબ, દરેક કંપનીએ તેના કર્મચારીઓને ગ્રેચ્યુઈટી ચૂકવવી પડે છે જેઓ 10 થી વધુ લોકોને રોજગારી આપે છે.

કેટલા સમય બાદ મળી શકે છે ગ્રેચ્યુઈટીના પૈસા?
જો તમે કંપનીમાં સતત 4 વર્ષ 240 દિવસ કામ કરો છો, તો તમે ગ્રેચ્યુટીના હકદાર બનો છો, પરંતુ એવા ઘણા કિસ્સાઓ બન્યા છે જ્યારે એમ્યલોયર તેના કર્મચારીઓને ગ્રેચ્યુટી આપવાનો ઇનકાર કર્યો હોય.

જો ગ્રેચ્યુઈટીના પૈસા ન મળે તો શું કરશો?
જો તમારી સાથે પણ આવું થયું છે, તો તમારે આ માટે પહેલા કંપનીને લીગલ નોટિસ મોકલવી શકો છો. આ પછી પણ જો તમને પૈસા ન મળે તો તમે તેની ફરિયાદ લેબર કમિશનરની ઓફિસમાં કરી શકો છો.

આ પછી લેબર કમિશનર ઓફિસના એક અધિકારી સમગ્ર મામલાની તપાસ કરશે. જો તમારો પક્ષ સાચો જણાય તો તે કંપનીને ગ્રેચ્યુટી ચૂકવવા માટે 30 દિવસનો સમય આપી શકે છે.

આ પછી પણ કંપની પૈસા ન ચુકવે તો શું કરવું?
જો આ પછી પણ કંપની પૈસા નહીં ચૂકવે તો 30 દિવસ વીતી ગયા પછી 15 દિવસમાં કંપની સામે કાયદેસરની કાર્યવાહી શરૂ કરી શકાય છે.

જો કંપની આ મામલામાં દોષી સાબિત થાય છે તો તેના માલિકને 6 મહિનાથી 2 વર્ષની જેલ થઈ શકે છે.

સંકળાયેલા મુદ્દાઓ

Gratuity New Rules complain gratuity ગ્રેચ્યુઈટી Gratuity New Rules