મનોરંજન / ફિલ્મ 'Tejas'ની નિંદા કરનારાઓ પર કંગના રનૌતના પ્રહાર, કહ્યું 'જેઓ મારું ખરાબ ઇચ્છે છે...'

• બોક્સ ઓફિસ પર 'તેજસ'નું ખરાબ પ્રદર્શન 
• કંગનાએ ક્રિટિક્સ પર ઠાલવ્યો ગુસ્સો 
• કહ્યું- મારા માટે ખરાબ વિચાર્યું તો...

કંગના રણૌતની ફિલ્મ 'તેજસ'ને ક્રિટિક્સ પાસેથી સારા રિવ્યૂ નથી મળી રહ્યા અને બોક્સ ઓફિસ પર કલેક્શન પણ ઓછુ થયું છે. હવે કંગનાએ ઓપન ઈન્વિટેશન મોકલ્યું છે એ લોકો માટે જેમને તેમની આ ફિલ્મ પસંદ નથી આવી. તેમણે કહ્યું કે આવા લોકો તેમનું ફેન ક્લબ જોઈન કરી શકે છે. 

All those who are wishing me ill, their lives will be forever miserable because they will have to see my glory every day for the rest of their lives, since I left home at the age of 15 with nothing I am consistently chiseling my own fate and there have been enough evidence that I… https://t.co/DSTFuPb2ha

— Kangana Ranaut (@KanganaTeam) October 29, 2023

કંગનાની આ પોસ્ટ ટ્વીટર પર ફિલ્મ 'તેજસ' રિલીઝ થયાના બે દિવસ બાદ આવી છે. કંગનાએ કહ્યું છે કે તેમને કુદરતે જીવનમાં કંઈક ખાસ વસ્તુઓ કરવા માટે મોકલ્યા છે. તેમણે એવું પણ કહ્યું કે કેવી રીતે તેમણે પોતાનું સપનું સાચુ કરવા માટે 15 વર્ષની ઉંમરમાં હિમાચલ પ્રદેશ છોડી દીધુ હતું. 

શું કહ્યું કંગનાએ? 
કંગનાએ કહ્યું, "એ બધા જ લોકો જે મારૂ ખરાબ ઈચ્છે છે તેમનું જીવન હંમેશા દુખોથી ભરેલું રહેશે. કારણ કે તેમને જીવનભર દરરોજ મારૂ ગૌરવ જોવું પડશે. મેં 15 વર્ષની ઉંમરમાં કંઈ પણ લીધા વગર ઘર છોડી દીધુ હતું. ત્યારથી હું સતત પોતાના ભાગ્યને સવારી રહી છું. એ વાતનો પાક્કો પુરાવો છે કે હું મહિલા સશક્તિકરણ અને પોતાના દેશ ભારત માટે મહત્વપૂર્ણ કામ કરવા માટે બની છું. હવે આવા લોકોના માનસિક સ્વાસ્થ્ય માટે હું તેમને મારા ફેન ક્લબોમાં શામેલ થવાની વિનતી કરૂ છું. આ પ્રકારે તે મોટી યોજના સાથે જોડાશે. હું ઈચ્છુ છું કે મારા ચાહકો તેમના પ્રત્યે દયાળુ હોય અને તેમને રસ્તો બતાવો."