છેડતીનો વીડિયો વાયરલ / VIDEO : ભારતમાં 'ઈજ્જત લૂંટાઈ' બાંગ્લાદેશ જઈને ભારતની 'ઈજ્જત ઢાંકી' જાપાની છોકરીએ, જુઓ શું બોલી

• દિલ્હીમાં હોળીએ જાપાની છોકરીની છેડતીનો મામલો
• પોલીસે છેડતી કરનાર 3 યુવાનોને ઝડપ્યાં
• જાપાની છોકરીની ઈચ્છા વિરૃદ્ધ છોકરાઓ તેની સાથે હોળી રમ્યાં 
• પીડિતાએ બાંગ્લાદેશ જઈને કહ્યું કે આઈ લવ ઈન્ડીયા 

હોળી પર જાપાની મહિલા ટૂરિસ્ટની છેડતી અને જબરદસ્તી કરવાના આરોપમાં દિલ્હી પોલીસે એક સગીર સહિત ત્રણ યુવકોની અટકાયત કરી છે. દિલ્હીના પહાડગંજ વિસ્તારમાં હોળીએ કેટલાક યુવાનો જાપાનની એક છોકરી સાથે જબરજસ્તી કરતા જોવા મળ્યાં હતા.સોશિયલ મીડિયા પર વીડિયો વાયરલ થયા બાદ દિલ્હી પોલીસે આ મામલે તાબડતોબ કાર્યવાહી કરીને યુવાનોને પકડીને જેલમાં નાખ્યાં છે. જાપાની છોકરીની છેડતીનો વીડિયો સોશિયલ મીડિયામાં વાયરલ થયો હતો. પોલીસે વીડિયોના આધારે આરોપીની શોધખોળ હાથ ધરી છે. 

Delhi Police arrested three boys for forcibly applying color & breaking egg on the head of a #Japanese tourist during #Holi festival in Delhi's Paharganj area. The women has made a tweet from his twitter handle that she has reached Bangladesh and fit in her mind and body. pic.twitter.com/ic8bNwqSjU

— Nikhil Choudhary (@NikhilCh_) March 11, 2023

પીડિતાએ હજુ સુધી નથી કરી ફરિયાદ
છોકરાઓની અણછાજતી હરકતોનો ભોગ બનેલી છોકરીએ હજુ સુધી દિલ્હી પોલીસમાં કે જાપાની એમ્બેસીમાં ફરીયાદ કરી નથી.  ઘટના બાદ દિલ્હી મહિલા આયોગની અધ્યક્ષ સ્વાતિ માલીવાલ અને બોલિવૂડ અભિનેત્રી રિચા ચઢ્ઢાએ આ મામલે ટ્વીટ કરીને દિલ્હી પોલીસને કાર્યવાહી કરવા જણાવ્યું હતું. આ ઘટના બાદ સોશિયલ મીડિયા પર આ વીડિયોને લઇને રાજકીય નિવેદનબાજી પણ થઇ હતી.

શું કર્યું હતું નફ્ફટ છોકરાઓએ 
દિલ્હીના પહાડગંજ વિસ્તારમાં હોળીના દિવસે કેટલાક યુવાનો જાપાનની છોકરી સાથે બળજબરીપૂર્વક હોળી રમ્યાં હતા. લફંગા યુવાનો સાથે છોકરીની હોળી રમવાની જરા પણ ઈચ્છા નહોતી તેમ છતાંય તેને આવું જોવાનો વારો આવ્યો. છોકરાઓએ સૌથી પહેલા જાપાની છોકરીને ઘેરી લીધી ત્યાર બાદ તેને પરાણે પકડીને રંગ લગાવતા લાગ્યાં એટલું જ નહી પરંતુ એક જણાએ તો તેના માથા પર ઈંડુ ફેંક્યું હતું. આ દરમિયાન છોકરી નફ્ફટોની ચૂંગાલમાંથી પોતાની જાતને છોડાવવા તરફડિયા મારી રહી હતી તેમ છતાં પણ છોકરા તેને મૂકતા નહોતા. આખરે એક વ્યક્તિએ તેને ફરીથી સ્પર્શ કર્યો કે તરત જ તેણે તેને થપ્પડ મારી અને ત્યાંથી નીકળી ગઈ.

બાંગ્લાદેશ જઈને બોલી છોકરી, આઈ લવ ઈન્ડીયા
પોતાની સાથે આટલી મોટી ઘટના બની તોય છોકરીએ કહ્યું કે આઈ લવ ઈન્ડીયા. દિલ્હીમાં છેડતીનો ભોગ બનેલી છોકરીએ બાંગ્લાદેશ જઈને કેટલાક ટ્વિટ કર્યાં હતા જેમાં તેણે ભારત તરફી પ્રેમ છતો કર્યો હતો. છોકરીએ 9 માર્ચે છેડતીનો વીડિયો પણ ટ્વિટ કર્યાં હતા પરંતુ તરત ડિલિટ કર્યો હતો તેણે કહ્યું કે વીડિયો પર જે કોમેન્ટ અને રિએક્શન આવ્યાં તેનાથી હું ડરી ગઈ અને તરત ટ્વિટ ડિલિટ કરી નાખ્યું હતું.