સફળતા / જમ્મુ-કાશ્મીરના કુલગામમાં 5 આતંકીઓ ઠાર, જે ઘરમાં છૂપાયા હતા તેને જ રૉકેટ લોન્ચરથી ઉડાવી દીધું

• જમ્મુ-કાશ્મીરના કુલગામમાં 5 આતંકીઓ ઠાર
• જવાનોએ રોકેટ લોન્ચર દ્વારા કર્યા પ્રહાર
• સુરક્ષાદળોના ઓપરેશનનો આજે બીજો દિવસ

 jammu kashmir five terrorists killed: જમ્મુ-કાશ્મીરમાં આતંકવાદીઓ વિરુદ્ધ ચાલી રહેલી કાર્યવાહીમાં સુરક્ષા દળોને મોટી સફળતા હાથે લાગી છે. જવાનોએ રોકેટ લોન્ચર દ્વારા આતંકીઓ જ્યાં છુપાયેલા હતા તે ઘરને ઉડાવી દીધું છે. સેનાની આ જડબાદોડ કાર્યવાહીમાં 5 આતંકવાદીઓ માર્યા ગયા છે. તમને જણાવી દઈએ કે કુલગામમાં સુરક્ષાદળોના ઓપરેશનનો આ બીજો દિવસ ચાલી રહ્યો છે.

#WATCH | Srinagar, J&K: On 5 terrorists being killed in Kulgam encounter, IGP Kashmir Vidhi Kumar Birdi says "Security Forces got an intelligence input regarding the movement of some terrorists in Kulgam. During the search operation, a terrorist fired from a house after which an… pic.twitter.com/ogwjjUJfxG

— ANI (@ANI) November 17, 2023

પાંચ આતંકી ઠાર
કુલગામ પોલીસ અને સેનાના જવાનો અને સીઆરપીએફના સંયુક્ત ઓપરેશનમાં પાંચ આતંકવાદીઓને ઠાર કર્યા છે. ઓપરેશન અંગે એડીજીપી કાશ્મીરે કહ્યું કે, ઘટના સ્થળેથી આપત્તીજનક સામગ્રી મળી આવી છે અને હવે ઓપરેશન અંતિમ તબક્કામાં ચાલી રહ્યું છે. સમગ્ર વિસ્તારને સેનિટાઇઝ કરવામાં આવી રહ્યું છે.

"Kulgam Update - Day 2: Five #terrorists neutralized by Kulgam Police, Army, and CRPF. #Incriminating materials recovered. #Operation in final stage; area being sanitized.@JmuKmrPolice https://t.co/mcZ5EoU1XK

— Kashmir Zone Police (@KashmirPolice) November 17, 2023

 કાશ્મીર ઝોન પોલીસે ટ્વીટ
અગાઉ કાશ્મીર ઝોન પોલીસે એક્સ પર એક પોસ્ટ દ્વારા કહ્યું હતું કે કુલગામના દમહાલ હાંજી પોરા વિસ્તારમાં ગુરુવારે એન્કાઉન્ટર શરૂ થયું હતું. અહીં ગઈકાલથી જ સુરક્ષાદળોએ કેટલાક આતંકીઓને ઘેરી લીધા હતા. બંને તરફથી સતત ગોળીબાર થઈ રહ્યો હતો.

આતંકીઓ ગોળીબાર કર્યો હતો
આતંકવાદીઓ છુપાયા હોવાની માહિતી મળતાં જમ્મુ અને કાશ્મીર પોલીસ, સેનાની 34 CRPFની ટીમોએ સંયુક્ત ઓપરેશન શરૂ કર્યું હતું. આ દરમિયાન આતંકીઓએ પોતાને ઘેરાયેલા જોઈને ફાયરિંગ શરૂ કરી દીધું હતું. જેના જવાબમાં સેના દ્વારા પણ ફાયરિંગ કરવામાં આવ્યું હતું અને આતંકીઓને ઘેરી લેવામાં આવ્યા હતા.

ઘૂસણખોરીનો પ્રયાસ
તમને જણાવી દઈએ કે બુધવારે જ સેનાએ નિયંત્રણ રેખા પાસે ઉરી સેક્ટરમાં આતંકવાદીઓની ઘૂસણખોરીના પ્રયાસને નિષ્ફળ બનાવ્યો હતો. સુરક્ષા દળોએ બે આતંકીઓને ઠાર કર્યા હતા. ખરાબ વિઝિબિલિટી અને ખરાબ હવામાનનો ફાયદો ઉઠાવીને આતંકીઓ ઘૂસણખોરીનો પ્રયાસ કરી રહ્યા હતા.