વડોદરા / 'ભગવાનને કોર્ટમાં પિટિશન દાખલ કરવા વકીલ જોઈએ છે', કેદીના વેશમાં વૃદ્ધની અનોખી માંગ

• વડોદરામાં જયપ્રકાશ મહેતાનું અનોખું અભિયાન
• જયપ્રકાશ કદી જેવા કપડા પહેરી કરી રહ્યાં છે વિરોધ
• '11થી લઈ સાંજના 5 વાગ્યા સુધી ભગવાનના ફોટો-મૂર્તિ ન ખરીદે'

વડોદરામાં એક વૃદ્ધ અનોખું અભિયાન ચલાવી રહ્યાં છે જે અભિયાનનું નામ છે ધર્મ બચાવો. વડોદરાના વૃદ્ધ જયપ્રકાશ મહેતાએ ભગવાનના અપમાન બદલ અભિયાન ખેડ્યું છે. વદ્ધએ ગાંધીનગર ગૃહમાં ભગવાનને કોર્ટમાં પિટિશન માટે વકીલ જોઈએ છે તેવી જાહેરાતના પોસ્ટર સાથે વિરોધ નોંધાવ્યો છે જેમાં જયપ્રકાશ કદી જેવા કપડા પહેર્યા છે સાથો સાથ સાંકળની બેડીઓ સાથે લોકોને અપીલ કરી રહ્યાં છે કે, કોઈપણ વ્યક્તિઓ 11થી લઈ સાંજના 5 વાગ્યા સુધી ભગવાનના ફોટો-મૂર્તિ ન ખરીદે. 

જયપ્રકાશ મહેતા શું જણાવી રહ્યાં છે
જયપ્રકાશ મહેતા જણાવી રહ્યાં છે,ભગવાનને કોર્ટમાં પિટિશન દાખલ કરવા વકીલ જોઈએ છે તેમજ મને વકીલ મળતાની સાથે કોર્ટમાં પિટિશન દાખલ કરીશ કે, દુકાનોમાં ભગવાનની 1 ફૂટથી વધુ મોટી મૂર્તી કે ફોટો વેચવા સામે દંડ લેવાની જોગવાઈ કરવામાં આવે. તેમણે કહ્યું કે, નદી-નાળા કે, બ્રિજ અને ઝાડ નીચે હિન્દુ ધર્મના દેવી દેવાતાઓના ફોટો કે મૂર્તી પડ્યા હોય છે તે અપમાન જનક છે. 

'લોકો ધર્મ પ્રેત્ય જાગૃત કરીશ'
લોકો મન ફાવે ત્યાં ભગવાનના ફોટાનો ઉપયોગ કરી લે છે અને તેની જાળવણી પણ કરતા નથી. પોસ્ટરોમાં, કેલેન્ડરોમાં તેમજ રાજમાર્ગો પર મોટા મોટા પોસ્ટરોમાં તેમજ જ્યાં ત્યાં ઉપયોગ કરાય છે. તેમણે આક્ષેપ કર્યો છે કે, ભગવાનની પુજા નહી પરંતુ વેપાર થાય છે. તેમણે ઉમેર્યું કે, હું 30 માર્ચ સુધી રોજ સવારે 10થી રાત્રે 8 સુધી લોકોને જાગૃત કરીશ તેમજ વકીલ નહીં મળે તો દુકાનદારોને સમજાવીશ તેમજ 30 માર્ચથી 6 એપ્રિલ કાશીવિશ્વનાથ મંદિરથી, એલએન્ડી, રેલવે સ્ટેશન, પંચમુખી મહાદેવ સહિત વિસ્તારોમાં લોકો ધર્મ પ્રેત્ય જાગૃત કરીશ