ઝારખંડ / VIDEO: રાહુલ ગાંધીની ન્યાય યાત્રામાં જય શ્રી રામ લાગ્યા નારા, મોદી મોદીની પણ ગુંજ

• રાહુલ ગાંધીની ન્યાય યાત્રાએ ઝારખંડમાં પ્રવેશ કર્યો
• રાહુલ ગાંધી સામે જય શ્રીરામના નારા
• ભાજપ સાંસદનો કોંગ્રેસ પર વાર

કોંગ્રેસના પૂર્વ અધ્યક્ષ અને વાયનાડના સાંસદ રાહુલ ગાંધીની ભારત જોડો ન્યાય યાત્રાએ ઝારખંડમાં પ્રવેશ કર્યો છે. રાહુલ ગાંધી શનિવારે દેવઘર પહોંચ્યા હતા અને બાબા વૈદ્યનાથ ધામમાં પૂજા કરીને રુદ્રાભિષેક કર્યો હતો. મંદિર પરિસરમાંથી નીકળતા સમયે કેટલાક લોકોએ રાહુલ ગાંધી સામે જય શ્રીરામના અને મોદી-મોદીના નારા લગાવ્યા હતા, જેના કારણે હંગામો થઈ ગયો હતો. 

मुस्लिम तुष्टिकरण की राजनीति के खिलाफ मेरा गोड्डा लोकसभा केवल प्रधानमंत्री मय यानि मोदी मय है। यहाँ भक्त मोदी जी का सम्मान है,आपकी तरह राहुल गांधी जी वोट भक्त का बहिष्कार है अपमान नहीं pic.twitter.com/UBd75Va91i

— Dr Nishikant Dubey (@nishikant_dubey) February 3, 2024

રાહુલ ગાંધી મણિપુરથી મુંબઈ યાત્રાએ નીકળ્યા હતા અને 21માં દિવસે ઝારખંડ પહોંચ્યા હતા. પશ્ચિમ બંગાળના રસ્તેથી ઝારખંડમાં આવ્યા પછી ઝારખંડના નવા મુખ્યમંત્રી ચંપઈ સોરેને આ યાત્રાનું સ્વાગત કર્યું હતું. 8 દિવસમાં આ યાત્રા ઝારખંડમાં 13 જિલ્લામાંથી પસાર થશે. રાહુલ ગાંધીએ દેવઘરમાં બાબા બાબા વૈદ્યનાથ ધામમાં પૂજા કરીને રુદ્રાભિષેક કર્યો હતો. રાહુલ ગાંધી ગુલાબી રંગની ધોતી અને માથા પર ત્રિપુંડ સાથે શિવભક્તિમાં લીન જોવા મળ્યા હતા. કોંગ્રેસ પક્ષના અધિકૃત X હેન્ડલ પરથી આ ફોટોઝ શેર કરવામાં આવ્યા છે. 

મંદિર પરિસરમાંથી નીકળતા સમયે કેટલાક લોકોએ રાહુલ ગાંધી સામે જય શ્રીરામ અને મોદી-મોદીના નારા લગાવ્યા હતા. રાહુલ ગાંધી ચુસ્ત સુરક્ષા બંદોબસ્ત વચ્ચે હસીને આગળ નીકળી ગયા હતા. ભાજપ નેતાઓએ આ હંગામાનો વિડીયો શેર કરીને કોંગ્રેસ પર કટાક્ષ કર્યો છે. ભાજપ સાંસદ નિશિકાંત દુબેએ વિડીયો શેર કરીને કેપ્શનમાં લખ્યું છે કે, ‘કોંગ્રેસની મુસ્લિમ પરત નીતિઓને કારણે રાહુલ ગાંધીની યાત્રાનો વિરોધ થયો. પ્રધાનમંત્રીને વિકાસનું સમર્થન છે.’

વધુ વાંચો: આવી કેવી ભક્તિ! યુવકે પીઠ પર જ ચિતરાવી દીધા પ્રભુ શ્રી રામ અને રામ મંદિર, Video જોઇ દંગ રહી જશો

રાહુલ ગાંધીની યાત્રા બાબતે મંદિરોમાં ફૂલોથી સજાવટ કરવામાં આવતા ભાજપ સાંસદે સવાલ ઊભા કર્યા છે કે, રામ મંદિર પ્રાણ પ્રતિષ્ઠાના દિવસે ઝારખંડ સરકારે મંદિરની સજાવટ નહોતી કરી. ’22 જાન્યુઆરીના રોજ સમગ્ર દેશમાં મંદિરની સજાવટ કરવામાં આવી, પરંતુ બાબા વૈદ્યનાથની સજાવટ કરવામાં ના આવી. આ છે કોંગ્રેસ અને ઝારખંડ સરકાર.’