તમારા કામનુ / 1 લાખ જગ્યાઓ માટે ટૂંક સમયમાં કરાશે ભરતી, આ મોટી કંપનીએ કરી દીધી મહત્વની જાહેરાત

• શું તમે આઈટી ક્ષેત્રમાં નોકરી શોધી રહ્યાં છો?
• ટીસીએસ મોટા પાયા પર ભરતી કરશે
• ફ્રેશર્સને નોકરી આપવાનુ મહત્વનુ લક્ષ્યાંક

આટલી નોકરીઓ આપશે ટીસીએસ 

રિપોર્ટ મુજબ નોકરીઓની આ સંખ્યા હજુ વધી શકે છે.  ખરેખર આ કંપનીઓમાં નોકરી છોડનારા લોકોની સંખ્યા સતત વધી રહી છે અને આ સમસ્યાનો ઉકેલ લાવવા માટે કંપનીએ મોટા પાયા પર ભરતી કરવાનો નિર્ણય કર્યો છે. ખાસ વાત એ છે કે કંપનીઓ ફ્રેશર્સને નોકરીની તક આપી રહી છે. દેશની સૌથી મોટી આઈટી કંપની ટાટા કન્સલ્ટન્સી સર્વિસિસે ચાલુ નાણાંકીય વર્ષમાં લગભગ 40,000 ફ્રેશર્સને નોકરીઓ આપવાનુ લક્ષ્ય રાખ્યું છે.  કંપનીએ ગયા વર્ષે પણ આટલી નોકરીઓનુ લક્ષ્ય રાખ્યુ હતુ. પરંતુ લગભગ એક લાખ લોકોને રોજગાર આપ્યો હતો. આશા છે કે આ વખતે પણ આ સંખ્યા વધશે. ટીસીએસે 31 માર્ચે સમાપ્ત થયેલા ક્વાર્ટરમાં અંદાજે 35, 000 લોકોને નોકરીઓ આપવાનો રેકોર્ડ બનાવ્યો હતો.

ઈન્ફોસિસમાં આટલા ફ્રેશર્સને મળશે રોજગાર

ભારતની આઈટી ક્ષેત્રની બીજી સૌથી મોટી કંપની ઈન્ફોસિસે પણ આ વર્ષે મોટાપાયે ફ્રેશર્સને ભરતી કરવાનુ લક્ષ્ય રાખ્યું છે. કંપનીએ 50,000 આઈટી ફ્રેશર્સને રોજગાર આપવાનો પ્લાન બનાવ્યો છે. આંકડા પર નજર નાખીએ તો ગયા વર્ષે કંપનીએ 85,000 લોકોને નોકરીઓ આપી હતી. જો તમારી પાસે પણ આઈટીની ડિગ્રી અથવા ડિપ્લોમા છે, તો નોકરી મેળવવા માટે કમર કસી લો.