ISRO / સૂર્ય મિશન પર ISRO ચીફે આપ્યા સારા સમાચાર, ADITYA-L1 ને મોકલેલા ડેટા પર આપી જાણકારી

Aditya-L1 Mission : સૂર્યના રહસ્યોને સમજવામાં લાગેલા ભારતના આદિત્ય L1 વિશે ISROએ મોટી માહિતી આપી છે. વાત જાણે એમ છે કે,  ISRO એટલે કે ભારતીય અવકાશ સંશોધન સંસ્થાના વડા એસ. સોમનાથે રવિવારે કહ્યું કે, દેશની પ્રીમિયર સ્પેસ રિસર્ચ એજન્સીનું આદિત્ય L1  સોલાર મિશન સૂર્ય વિશે સતત ડેટા મોકલી રહ્યું છે. જ્વેલરી કંપની PC ચંદ્ર ગ્રૂપ દ્વારા વિશેષ પુરસ્કારથી સન્માનિત થયા બાદ સોમનાથે કોલકાતામાં પત્રકારોને જણાવ્યું હતું કે, અવકાશયાનના ઘણા સાધનો ઘણા પાસાઓ પર ડેટા ફીડ કરવા માટે સતત કામ કરી રહ્યા છે.

સૂર્ય મિશન અંગે વધુ માહિતી આપતાં ISROના વડા સોમનાથે જણાવ્યું હતું કે, અમે સૂર્યનું સતત અવલોકન કરીએ છીએ જેમાં અલ્ટ્રાવાયોલેટ મેગ્નેટિક ચાર્જની ગણતરી કોરોના ગ્રાફ ઓબ્ઝર્વેશન એક્સ-રે ઓબ્ઝર્વેશન અને અન્ય બાબતોનો સમાવેશ થાય છે. ભારતનું પ્રથમ સૌર મિશન વાહન આદિત્ય L1  2 સપ્ટેમ્બર, 2023ના રોજ લોન્ચ કરવામાં આવ્યું હતું.

ISROના ચીફ સોમનાથે પત્રકારોને જણાવ્યું હતું કે, અમે આ ઉપગ્રહને પાંચ વર્ષ માટે રાખીએ છીએ અને પ્રાપ્ત ગણતરીઓનું લાંબા ગાળાના માપ તરીકે વિશ્લેષણ કરવામાં આવશે. તે તમારા તાત્કાલિક સમાચાર જેવું નથી કે આજે સૂર્ય વિશે કંઈક અહેવાલ છે કાલે કંઈક બીજું થશે, વસ્તુઓ દરરોજ બદલાતી રહેશે. તેમણે કહ્યું કે, તમામ ગણતરીઓ હવે કરવામાં આવશે પરંતુ પરિણામ પછી ખબર પડશે.

વધુ વાંચો: ચીનને મોટો ઝટકો! ભારતમાં શિફ્ટ થશે સપ્લાય ચેઈન, એપલ 5 લાખ ભારતીયોને આપશે નોકરી

જ્યારે તેમને પૂછવામાં આવ્યું કે, શું આ મિશન સૂર્યગ્રહણ પર પ્રકાશ પાડવામાં સક્ષમ હશે તો સોમનાથએ કહ્યું કે, જ્યારે સૂર્ય ચંદ્ર દ્વારા અવરોધિત થાય છે ત્યારે ગ્રહણ થાય છે. સ્વાભાવિક રીતે અમારું મિશન ગ્રહણ પહેલાં  દરમિયાન અને પછી સૂર્ય વિશેની માહિતી પણ એકત્રિત કરી રહ્યું છે. અન્ય અવકાશ એજન્સીઓ સાથેના સહયોગ અંગે તેમણે કહ્યું કે ISRO સંયુક્ત ઉપગ્રહ 'NISAR' (NASA-ISRO સિન્થેટિક એપરચર રડાર) બનાવી રહ્યું છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો