યુદ્ધ / VIDEO : ગજબ ! હમાસના આતંકીઓ આ રીતે ઉતરી પડ્યાં ઈઝરાઈલ પર એટેક કરવા, વાયરલ થયા ઘણા વીડિયો

• ઈઝરાઈલ અને પેલેસ્ટીની આતંકી જૂથ હમાસ વચ્ચે યુદ્ધ
• હમાસે યુદ્ધની કરી શરુઆત, ઈઝરાઈલ પર કર્યાં રોકેટ હુમલા
• હમાસના આતંકીઓ સરહદ ક્રોસ કરીને ઘૂસ્યાં ઈઝરાઈલમાં 

ગાઝા પટ્ટીથી ઈઝરાયેલી ક્ષેત્ર તરફ શરૂ કરવામાં આવેલા રોકેટ હુમલા બાદ ઈઝરાયેલ અને ઈસ્લામિક સંગઠન હમાસ વચ્ચે ફરી એકવાર યુદ્ધ જેવી સ્થિતિ ઉભી થઈ છે. 
હમાસે શનિવારે ઇઝરાઇલ પર વર્ષોમાં સૌથી મોટો હુમલો કર્યો હતો. હમાસના બંદૂકધારીઓ હવે સરહદ પાર કરીને ઇઝરાયેલી વિસ્તારમાં પહોંચી ગયા છે જેના ઘણા વીડિયો સોશિયલ મીડિયા પ્લેટફોર્મ પર શેર કરવામાં આવી રહ્યા છે. 

Palestinian terrorists from the Gaza Strip are seen in Sderot. pic.twitter.com/dsuL4uYWoY

— Emanuel (Mannie) Fabian (@manniefabian) October 7, 2023

હેંગ ગ્લાઈડરથી ઈઝરાઈલની ભૂમિમાં કૂદ્યો હમાસનો આતંકી 
આવા જ એક ફૂટેજમાં હમાસનો એક આતંકી ઈઝરાયલમાં પ્રવેશવા માટે મોટરથી ચાલતા હેંગ ગ્લાઈડરનો ઉપયોગ કરતો જોઈ શકાય છે. એવા વીડિયો પણ સામે આવ્યા છે જેમાં ઈઝરાયલના લોકો પોતાના ઘરની અંદર ડરેલા જોવા મળી રહ્યા છે. હથિયારોથી સજ્જ હમાસના લડવૈયાઓને રસ્તા પર જોઈને તેઓ ભયના માર્યા ચીસો પાડવા માંડે છે. સાથે જ બંદૂકધારીઓ રસ્તા પર અંધાધૂંધ ગોળીબાર કરી રહ્યા છે. આ તસવીરો જોઇને હાલની સ્થિતિને લઇને ચિંતા વધી ગઇ છે. બંને પક્ષો વચ્ચે સશસ્ત્ર અથડામણ અને હિંસાની સંભાવના નોંધપાત્ર રીતે વધી ગઈ છે.

Palestinian armed gunmen reportedly in the streets of southern Israel after infiltrating from Gaza. pic.twitter.com/U6QgNIlQii

— Joe Truzman (@JoeTruzman) October 7, 2023

શું બોલ્યાં હમાસના આતંકવાદી નેતા મોહમ્મદ દીફ
હમાસના આતંકવાદી નેતા મોહમ્મદ દીફનું એક પ્રી-રેકોર્ડેડ નિવેદન જાહેર કરવામાં આવ્યું છે. તેમાં કહેવામાં આવ્યું છે કે, "અમે ભગવાનની મદદથી આ બધાનો અંત લાવવાનો નિર્ણય કર્યો છે જેથી દુશ્મન સમજી શકે કે જવાબદારી વિનાની બેદરકારીનો સમય સમાપ્ત થઈ ગયો છે." અમે ઓપરેશન અલ-અક્સા ફ્લડ શરૂ કર્યું છે. અલ-અક્સા ફ્લડ હેઠળ 
પહેલા હુમલામાં 20 મિનિટમાં 5 મિસાઈલ અને શેલ છોડવામાં આવ્યા હતા. 

હમાસના આતંકીઓ ઈઝરાઈલી સૈનિકોની લાશ ખેંચી ગયા 
યુનિફોર્મવાળા લોકો હથિયારો સાથે ઈઝરાયેલની સરહદ પાર કરતા જોવા મળી રહ્યા છે. વીડિયોમાં હમાસનો બંદૂકધારી ઉજવણી કરતો નજરે પડે છે. તેઓ ઘણા ઈઝરાઇલી સૈનિકોના મૃતદેહોને શેરીઓમાં ખેંચીને લઈ જતા પણ જોવા મળે છે.