RCB vs GT / વિરાટ કોહલી ફૂલ ફોર્મમાં, ફટકારી સતત બીજી સદી, ચોગ્ગા-છગ્ગાની બોલાવી તડાતડી

• રોયલ ચેલેન્જર્સ બેંગ્લોરનો સામનો ગુજરાત ટાઇટન્સ સામે 
• પ્લેઓફમાં પહોંચવા માટે આરસીબીને આ મેચ જીતવી જરૂરી 
• RCBએ ગુજરાત ટાઇટન્સને જીતવા માટે 198 રનનો ટાર્ગેટ આપ્યો 
• RCB તરફથી વિરાટ કોહલીએ અણનમ 101 રન બનાવ્યા 

 

IPL 2023ની છેલ્લી લીગ મેચમાં રોયલ ચેલેન્જર્સ બેંગ્લોરનો સામનો ગુજરાત ટાઇટન્સ સામે થશે. પ્લેઓફમાં પહોંચવા માટે આરસીબીને આ મેચ જીતવી જરૂરી છે. બીજી તરફ, આ મેચ ગુજરાત ટાઇટન્સ માટે પ્રેક્ટિસ મેચ જેવી છે કારણ કે તે પ્લેઓફમાં પ્રવેશી ચૂકી છે. વરસાદના કારણે આ મેચ 55 મિનિટ મોડી શરૂ થઈ છે. જોકે સારી વાત એ છે કે ઓવરોમાં કોઈ કટ કરવામાં આવ્યો નથી. જો આ મેચ પૂર્ણ નહીં થાય તો મુંબઈ ઈન્ડિયન્સ પ્લેઓફમાં પહોંચી જશે. મેચમાં RCBએ ગુજરાત ટાઇટન્સને જીતવા માટે 198 રનનો ટાર્ગેટ આપ્યો છે. RCB તરફથી વિરાટ કોહલીએ અણનમ 101 રન બનાવ્યા હતા. એમ ચિન્નાસ્વામી સ્ટેડિયમમાં રમાઈ રહેલી આ મેચ સંબંધિત અપડેટ્સ માટે અમારી સાથે રહો...

Innings Break!

Yet another fantastic batting display from @imVkohli powers #RCB to 197/5 in the first innings 🙌

Will it be enough for @gujarat_titans?

Scorecard ▶️ https://t.co/OQXDTMiSpI #TATAIPL | #RCBvGT pic.twitter.com/EXtCasqVT2

— IndianPremierLeague (@IPL) May 21, 2023

કોહલીએ 60 બોલમાં પોતાની સદી પૂરી કરી 

વરસાદ અને ભીના આઉટફિલ્ડને કારણે મેચની શરૂઆત 55 મિનિટ મોડી થઈ હતી. જોકે, આ વિલંબની આરસીબીના ઓપનર વિરાટ કોહલી અને ફાફ ડુ પ્લેસિસ પર કોઈ અસર થઈ ન હતી. બંને ખેલાડીઓએ સાથે મળીને 7.1 ઓવરમાં 67 રનની ભાગીદારી કરી હતી. નૂર અહેમદે ડુ પ્લેસિસને આઉટ કરીને આ ખતરનાક ભાગીદારીનો અંત કર્યો હતો. ડુ પ્લેસિસે 19 બોલમાં 28 રન બનાવ્યા જેમાં પાંચ ચોગ્ગા સામેલ હતા. આ પછી આરસીબીએ તેની બીજી વિકેટ ગ્લેન મેક્સવેલ (11 રન)ના રૂપમાં ગુમાવી હતી, જે રાશિદ ખાનના હાથે બોલ્ડ થયો હતો. ત્યારબાદ નૂર અહેમદે મહિપાલ લોમરોર (1 રન)ને આઉટ કર્યો હતો, જેના કારણે આરસીબીએ ત્રણ વિકેટ ઝડપી હતી. પરંતુ 85 રન થઈ ગયા હતા. અહીંથી માઈકલ બ્રેસવેલ અને વિરાટ કોહલીએ 47 રનની ભાગીદારી કરીને દાવને વેગ આપ્યો હતો. બ્રેસવેલ આઉટ થયો હતો પરંતુ કોહલી અંત સુધી ક્રિઝ પર રહ્યો હતો અને શાનદાર સદી રમી હતી. કોહલીએ 60 બોલમાં પોતાની સદી પૂરી કરી હતી, જેમાં 13 ચોગ્ગા અને એક છગ્ગાનો સમાવેશ થાય છે.

Describe that knock by Virat Kohli in one word 👇

We will start - Flawless 😎#TATAIPL | #RCBvGT | @imVkohli pic.twitter.com/CysjKbjMwk

— IndianPremierLeague (@IPL) May 21, 2023

કોહલીએ ક્રિસ ગેલને પછાડ્યો

કોહલીએ સતત બીજી મેચમાં સદી ફટકારી છે. આ પહેલા તેણે સનરાઇઝર્સ હૈદરાબાદ સામે પણ સદી ફટકારી હતી. કોહલીએ 61 બોલમાં 101 રન બનાવ્યા હતા. કોહલી હવે IPLમાં સૌથી વધુ સદી ફટકારનાર ખેલાડી બની ગયો છે. કોહલીએ છ સદી ફટકારનાર ક્રિસ ગેલને પાછળ છોડી દીધો છે.

રોયલ ચેલેન્જર્સ બેંગલોરની વિકેટ આ રીતે પડીઃ (197/5)

• પ્રથમ વિકેટ - ફાફ ડુ પ્લેસિસ 28 રન (67/1)
• બીજી વિકેટ - ગ્લેન મેક્સવેલ 11 રન (80/2)
• ત્રીજી વિકેટ - મહિપાલ લોમરોર 1 રન (85/3)
• ચોથી વિકેટ - માઈકલ બ્રેસવેલ 26 રન (132/4)
• પાંચમી વિકેટ - દિનેશ કાર્તિક 0 રન (133/5)

રોયલ ચેલેન્જર્સ બેંગલોર પ્લેઈંગ ઈલેવન

વિરાટ કોહલી, ફાફ ડુપ્લેસીસ (કેપ્ટન), માઈકલ બ્રેસવેલ, ગ્લેન મેક્સવેલ, મહિપાલ લોમર, અનુજ રાવત, દિનેશ કાર્તિક (વિકેટકીપર), હર્ષલ પટેલ, વેઈન પાર્નેલ, મોહમ્મદ સિરાજ, વૈશાક વિજયકુમાર.

ગુજરાત ટાઇટન્સ પ્લેઇંગ ઇલેવન

શુભમન ગિલ, રિદ્ધિમાન સાહા (વિકેટકીપર), હાર્દિક પંડ્યા (કેપ્ટન), દાસુન શનાકા, ડેવિડ મિલર, રાહુલ તેવટિયા, રાશિદ ખાન, મોહિત શર્મા, નૂર અહેમદ, મોહમ્મદ શમી, યશ દયાલ.